SBI Bank Locker Rule: स्टेट बँक ऑफ इंडियामध्ये खाते असलेल्या ग्राहकांसाठी एक महत्त्वाची बातमी आहे. देशाच्या या सरकारी बँकेत तुमचेही खाते असेल तर एक नवीन अपडेट आली आहे.
SBI ने बँक लॉकर नियमांबाबतचे नियम बदलले आहेत. नवीन नियम लवकरच लागू होणार आहेत. याबाबतची माहिती एसबीआयने ट्विट करुन ग्राहकांना दिली आहे. स्टेट बँकेने आपल्या अधिकृत ट्विटमध्ये काय लिहिले आहे ते आम्ही तुम्हाला सांगणार आहोत-
एसबीआयने ट्विटमध्ये लिहिले आहे की, बँकेने लॉकरच्या नियमांमध्ये सुधारणा केली आहे. बँकेने ग्राहकांच्या हक्कांचा विचार करुन सुधारित/पूरक लॉकर करार जारी केला आहे. लॉकरच्या सुविधेचा लाभ घेणार्‍या सर्व SBI ग्राहकांना (Customer) बँकेने त्यांच्या लॉकरसह शाखेत संपर्क आणि सुधारित/पूरक करारानुसार बदल करण्याची विनंती केली आहे.
बँक लॉकरचे नवीन नियम 30 सप्टेंबरपासून लागू होणार आहेत. बँकेने ग्राहकांना लॉकर करार अपडेट करण्यास सांगितले आहे. यासाठी, लॉकर असलेल्या ग्राहकाला नवीन लॉकर करारासाठी पात्रता दर्शवावी लागेल आणि नवीनसाठी करार करावा लागेल.
याआधी 30 जूनपर्यंत माहिती दिली जात होती, मात्र आता ती वाढवून 30 सप्टेंबर करण्यात आली आहे. लॉकर कराराचा नियम 30 जूनपर्यंत 50 टक्के आणि 30 सप्टेंबरपर्यंत 75 टक्के लागू करण्यास सांगितले आहे. नवीन नियमांमध्ये ग्राहकांना अधिक सुरक्षिततेचा लाभ मिळणार असल्याचे आरबीआयने सांगितले आहे.
बॅकेच्या मार्गदर्शक तत्त्वांमध्ये पुढे म्हटले आहे की, लॉकर बँकेच्या अधिकाऱ्याच्या उपस्थितीत उघडले पाहिजे. दोन स्वतंत्र साक्षीदार आणि संपूर्ण प्रक्रियेचे व्हिडिओ रेकॉर्डिंग केले जावे.
आरबीआयने (RBI) पुढे सांगितले की, लॉकर उघडल्यानंतर, तपशीलवार यादीसह सामग्री सीलबंद कव्हरमध्ये, फायरप्रूफ व्हॉल्टमध्ये छेडछाड प्रतिबंधक पद्धतीने ग्राहकाने दावा करेपर्यंत ठेवली जाईल.
बँकेच्या कर्मचार्‍यांच्या फसवणुकीमुळे तुमचे नुकसान झाल्यास, बँक तुम्हाला लॉकरच्या वार्षिक भाड्याच्या 100 पट भरपाई देईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
