स्पाइसजेट विमान भाड्यात 10 ते 15 टक्क्यांची वाढ

जेट इंधन दरात वाढ झाल्याने स्पाइसजेटच्या विमान भाड्यात 10 ते 15 टक्यांची वाढ केली जाणार आहे. अशी माहिती स्पाइसजेटचे अध्यक्ष आणि व्यवस्थापकीय संचालक अजय सिंग यांनी दिली. ते म्हणाले कि, ऑपरेटिंग कॉस्ट परवडण्याजोगी राहण्यासाठी विमान भाड्यात किमान 10 ते 15 टक्क्यांनी वाढ करणे आवश्यक आहे. त्या प्रमाणे स्पाइसजेट व्यवस्थापन हे आपला निर्णय घेईल असे ते यावेळी म्हणाले. (SpiceJet fares will increase by 10 to 15 percent)

एका बाजूला विमान भाड्यात 10 ते 15 टक्क्यांनी वाढीचे संकेत मिळाले असताना याबद्दल बोलताना स्पाईसजेटचे अध्यक्ष आणि व्यवस्थापकीय संचालक अजय सिंग म्हणाले की, स्पाइसजेटच्या शेअर्समध्ये आज 3.5 टक्क्यांहून अधिक घसरण झाली आहे. यामूळे बीएसईवर स्पाइसजेटचा समभाग 3.64 टक्क्यांनी घसरून 42.40 रुपयांवर आला आहे. तसेच भाडे वाढवण्याचा परिणाम कंपनीच्या शेअरवर झाला असल्याचे अजय सिंह म्हणाले.

भाडे वाढीबाबत बोलताना सिंह हे म्हणाले की, "जून 2021 पासून विमान इंधनाच्या किमतीत 120 टक्क्यांहून अधिक वाढ झाली आहे. किमतीतील ही प्रचंड वाढ शाश्वत नाही. तसेच केंद्र आणि राज्य सरकारने विमान इंधनावरील कर कमी करण्यासाठी तातडीने पावले उचलली पाहिजेत. तसेच गेल्या काही महिन्यांत, आम्ही इंधनाच्या किमतीतील या वाढीचा जास्तीत जास्त भार उचलण्याचा प्रयत्न केला आहे, जो आमच्या ऑपरेटिंग खर्चाच्या 50 टक्क्यांहून अधिक आहे.