Senior Citizen Savings Scheme 2023: अर्थमंत्री निर्मला सीतारामन यांनी महिलांसोबतच ज्येष्ठ नागरिकांसाठी मोठी घोषणा केली आहे. सीतारामन यांनी सर्वसाधारण अर्थसंकल्पात ज्येष्ठ नागरिक बचत योजना जाहीर केली आहे, जी 60 वर्षांवरील लोकांसाठी आहे.
सेवानिवृत्तीनंतर ज्येष्ठ नागरिकांना नियमित उत्पन्न मिळवून देणे हा या योजनेचा उद्देश आहे. ज्येष्ठ नागरिक बचत योजना काय आहे आणि तुम्ही त्याचा लाभ कसा घेऊ शकता ते जाणून घ्या...
ज्येष्ठ नागरिकांसाठी ही योजना लागू करण्यात आली आहे. जानेवारी-मार्च 2023 साठी, ज्येष्ठ नागरिक बचत योजनेचा व्याजदर 8 टक्के करण्यात आला आहे. यापूर्वी, हा व्याजदर 7.6 टक्के होता. ज्येष्ठ नागरिक किमान 1,000 रुपयांपर्यंत गुंतवणूक (Investment) करु शकतात.
सरकारने (Government) ज्येष्ठ नागरिक बचत योजनेत आणखी एक बदल केला आहे. 2023 च्या अर्थसंकल्पात ज्येष्ठ नागरिक बचत योजनेतील गुंतवणुकीची कमाल मर्यादा 15 लाखांवरुन 30 लाख रुपये करण्यात आली.
ज्येष्ठ नागरिक बचत योजनेत गुंतवणूक केल्यास तुम्हाला 1.5 लाख रुपयांपर्यंत गुंतवणूक सूट मिळते. ही योजना पूर्ण होण्याची मुदत 5 वर्षे आहे. यानंतर ती 3 वर्षांसाठी वाढवता येईल.
ज्येष्ठ नागरिक बचत योजनेत खाते उघडण्यासाठी तुम्ही बँक किंवा पोस्ट ऑफिसमध्ये जाऊन खाते उघडू शकता. या योजनेअंतर्गत 1000 रुपयांपासून खाते उघडता येते.
60 वर्षांवरील लोक या योजनेत गुंतवणूक करु शकतात. याशिवाय, 55 ते 60 वयोगटातील सेवानिवृत्त कर्मचारीही या योजनेत गुंतवणूक करु शकतात.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.