ICICI बँकेने ज्येष्ठ नागरिकांसाठी 'ICICIC Bank Golden Year FD' या विशेष FD योजनेची अंतिम तारीख सहा महिन्यांनी वाढवली आहे. आता बँकेचे ग्राहक 31 ऑक्टोबर 2023 पर्यंत या विशेष एफडी योजनेचा लाभ घेऊ शकतात. यापूर्वी ही एफडी योजना शुक्रवारी संपत होती.
ICICI बँक (ICICI Bank) गोल्डन इयर्स FD सामान्य FD च्या तुलनेत ज्येष्ठ नागरिकांना जास्त व्याजदर देते. सध्या 5 वर्ष एका दिवसापासून ते 10 वर्षांपर्यंतच्या एफडीवर या विशेष एफडीवर 7.5 टक्के व्याज दिले जात आहे.
-या FD वर ज्येष्ठ नागरिकांना (Senior Citizens) उपलब्ध असलेल्या 0.50 टक्के व्याजदराव्यतिरिक्त, 0.10 टक्के व्याज मर्यादित काळासाठी दिले जात आहे.
-नवीन FD सह नूतनीकरणावर अतिरिक्त व्याजदर दिला जात आहे.
-या योजनेत फक्त दोन कोटी रुपयांपेक्षा कमी रकमेची एफडी करता येते.
-ICICI बँक गोल्डन इयर्स FD चा कार्यकाळ 5 वर्षांच्या एका दिवसापासून 10 वर्षांपर्यंत असू शकतो.
जर तुम्हाला FD केल्यानंतर पैशांची गरज असेल, तर तुम्ही या FD मध्ये 5 वर्षांनी आणि कालावधी पूर्ण होण्याच्या एक दिवस आधी कोणतेही शुल्क न घेता पैसे काढू शकता. जर तुम्ही पाच वर्षापूर्वी पैसे काढले तर तुम्हाला 1 टक्के दंड भरावा लागेल.
तुम्हाला या विशेष योजनेचा लाभ घ्यायचा असल्यास, तुम्ही बँकेच्या इंटरनेट आणि मोबाईल बँकिंग प्लॅटफॉर्मद्वारे एफडी करु शकता किंवा तुम्ही तुमच्या जवळच्या ICICI बँकेच्या शाखेलाही भेट देऊ शकता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
