Rolls Royce Layoffs News
जगात महागड्या आणि लक्झरी गाड्या विकण्यासाठी प्रसिद्ध असलेल्या रोल्स रॉइस या कंपनीच्या कर्मचाऱ्यांच्या नोकऱ्यांवर टांगती तलवार आहे. एका अहवालात असे म्हटले आहे की कंपनी मोठ्या ले ऑफच्या तयारीत आहे. त्यामुळे येत्या काळात कंपनी हजारो कर्मचाऱ्यांना कामावरुन काढून टाकू शकते.
एका अहवालात म्हटले आहे की, लक्झरी कार निर्मात्या कंपनीने याबाबत सल्ला घेण्यासाठी मॅकिन्से अँड कंपनीच्या नेतृत्वाखालील सल्लागारांची नियुक्ती केली आहे. कंपनी आपल्या जागतिक कर्मचार्‍यांमधून 3,000 कर्मचार्‍यांना काढून टाकण्याचा विचार करत आहे. कंपनीने आपले कामकाज सुधारण्यासाठी या ले ऑफची तयारी केली आहे.
कंपनीने रोल्स-रॉइसच्या सिव्हिल एरोस्पेस, संरक्षण आणि उर्जा प्रणाली विभागातील प्रत्येक नॉन-मॅन्युफॅक्चरिंग विभागांचे विलीनीकरण करण्याची योजना आखली आहे. रोल्स रॉयसच्या प्रवक्त्याचा हवाला देत ब्लूमबर्ग म्हणाले की कंपनी अनेक बदलांवर काम करत आहे. या सर्वांचा उद्देश कंपनीच्या कामकाजात सुधारणा करणे हा आहे.
ब्लूमबर्गच्या अहवालात असे म्हटले आहे की, रोल्स रॉयसने अद्याप कर्मचारी कपातीबाबत निर्णय घेतलेला नाही आणि कोणत्याही सूचना केल्या नाहीत. जर कपात झाली तर सर्वात जास्त नुकसान रोल्स-रॉयसच्या मुख्यालयाचे होईल. कारण त्यातील बहुतांश कर्मचारी बॅक-ऑफिसमध्ये आहे.
विशेष म्हणजे जागतिक स्तरावर अनेक मोठ्या कंपन्यांनी टाळेबंदी केली आहे. यामध्ये Meta, Amazon, Twitter, Microsoft आणि इतर अनेक कंपन्यांचा समावेश आहे. अगदी अलीकडे, अमेरिकेतील सर्वात मोठ्या कर्जदार बँकेने 500 कर्मचार्‍यांना काढून टाकण्याची योजना देखील बनवली आहे.
ही कार महाग असण्याचे एक कारण म्हणजे तिचा रंग. तुम्हाला जाणून आश्चर्य वाटेल पण ही रोल्स रॉयस कार ४४ हजार रंगांमध्ये उपलब्ध आहे. या कारला खरेदी करणाऱ्या ग्राहकाच्या आवडीनुसार कोणताही रंग दिला जाऊ शकतो. जे लोक ही लक्झरी कार खरेदी करतात ते त्यांच्या कपड्यांचा आणि लिपस्टिकच्या रंगाशी जुळणारी ही कार घरून घेऊ शकतात. खरेदी करणारे ग्राहक त्यांचा निवडलेला रंगही त्यांच्या नावावर नोंदवू शकतात. इतर कोणत्याही ग्राहकाला हाच रंग घ्यायचा असेल तर त्याला जुन्या कारच्या मालकाची संमती आवश्यक असेल.
रंगाव्यतिरिक्त, रोल्स रॉयस कार बिल्ट क्वालिटीच्या बाबतीतही खूप खास आहे. या कारचे दरवाजे 300 पौंडांचे साउंड प्रूफ आहेत, जे बाहेरचा आवाज आत येऊ देत नाहीत.
रोल्स रॉयस कारचे टायरही खूप खास आहेत. त्या टायरमध्ये स्पेशल फोम भरलेला असतो जेणेकरून रस्त्यावरून जाताना जास्त आवाज होऊ नये. या टायर्सची रचना अशा प्रकारे करण्यात आली आहे की ते 9 डेसिबलने आवाज कमी करतात. जे कारला अधिक साउंड प्रूफ आणि आरामदायी बनवतात.
रोल्स रॉयस कारची खास गोष्ट म्हणजे खरेदीदार त्याच्या इच्छेनुसार ती कस्टमाइज करू शकतो. ग्राहकाच्या इच्छेनुसार कारचे डिझाइन बदलता येते. तुमची कार कलात्मक असावी असे तुम्हाला वाटत असेल तर तुम्ही तिला तसाच लूक देऊ शकता. तुम्हाला जाणून आश्चर्य वाटेल, परंतु कारच्या छतावर चमकणारे तारे देखील लावले जाऊ शकतात, जे तुम्हाला एक दिवस मोकळ्या आकाशाचे स्वरूप आणि अनुभव देईल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.