RBL Bank New Rule: आरबीएल बँकेने आपल्या ग्राहकांना मोठी बातमी दिली आहे. बँकेच्या अधिकृत वेबसाइटवर दिलेल्या माहितीनुसार, RBL बँक (RBL Bank) ने निवडक रकमेवर NRE/NRO बचतींसह बचत खात्यांवरील व्याजदरात 50 बेस पॉइंट्स (bps) पर्यंत वाढ केली आहे.
बँकेकडून नवीन व्याजदर आजपासून म्हणजेच 21 ऑगस्ट 2023 पासून लागू करण्यात आला आहे.
दरम्यान, 1 लाख रुपयांपर्यंतच्या दैनंदिन शिल्लक असलेल्या बचत खात्यावर बँकेकडून 4.25% दर दिला जाईल. तर 1 लाख रुपयांपेक्षा जास्त आणि 10 लाखांपर्यंतच्या बचत खात्यावर 5.50% व्याजदर (Interest Rate) बँकेतून दिला जाईल.
याशिवाय 10 लाख ते 25 लाख रुपयांपर्यंतच्या रकमेवर बँकेकडून 6.00% व्याज दिले जाईल.
बँकेने (Bank) 25 लाखांपेक्षा जास्त दैनंदिन शिल्लक असलेल्या खात्यांवरील व्याजदरात 50 बेसिस पॉइंट्सने वाढ केली आहे. RBL च्या वतीने रु. 25 लाख ते रु. 3 कोटी दरम्यानच्या रकमेवर व्याजदर 7% वरुन 7.50% करण्यात आला आहे.
याशिवाय, बँकेने दररोज जास्त शिल्लक असलेल्या खात्यांवरील व्याजदर कमी केला आहे. 3 कोटींवरील रकमेवर व्याजदर 50 बेस पॉईंटने कमी करण्यात आला आहे. म्हणजेच 3 कोटी ते 25 कोटींपर्यंतच्या रकमेवर आता 7% ऐवजी 6.5% दराने व्याज दिले जाईल.
दुसरीकडे, 25 कोटी ते 50 कोटी रुपयांपर्यंतच्या रकमेवर RBL बँक 6.25% व्याज देत आहे. याशिवाय, 50 कोटी ते 100 कोटींपर्यंतच्या रकमेवर 6.00% दराने व्याज दिले जाईल. 100 कोटी ते 200 कोटी रुपयांपर्यंतच्या रकमेवर 4 टक्के दराने व्याज दिले जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
