Ration Card Update: शिधापत्रिकाधारकांसाठी एक आनंदाची बातमी आहे. तुम्ही देखील शिधापत्रिकाधारक असाल, तर तुमची दिवाळी (Diwali 2022) यावेळी छान जाईल. अगदी अलीकडे केंद्र सरकारने मोफत राशन योजनेला डिसेंबरपर्यंत मुदतवाढ दिली आहे. यानंतर राज्य सरकारे कार्डधारकांसाठी घोषणाही करत आहेत. याच क्रमाने आता सरकारने साखरेचे दर कमी करण्याचा मोठा निर्णय घेतला आहे. एवढेच नाही तर तुम्हाला 100 रुपयांत किराणा सामान मिळेल. नवीन अपडेट्स जाणून घेऊया.
आता साखरेसाठी एवढे पैसे मोजावे लागतील
वाढत्या महागाईच्या (Inflation) पार्श्वभूमीवर सरकारने साखरेचे दर कमी करण्याची घोषणा केली आहे. यानंतर तुम्हाला साखरेसाठी फक्त 20 रुपये प्रतिकिलो मोजावे लागतील. सरकारच्या या घोषणेचा लाभ अंत्योदय कार्डधारकांना मिळणार आहे. दुसरीकडे, सरकारच्या (Government) या घोषणेने कार्डधारकांना वाढत्या महागाईपासून दिलासा मिळाला आहे.
महाराष्ट्र सरकारने जाहीर केले
केंद्र सरकारच्या (Central Government) घोषणांसोबतच राज्य सरकारही दिवाळी भेटवस्तू देत आहेत. दिवाळीनिमित्त महाराष्ट्र सरकारने शिधापत्रिकाधारकांसाठी विशेष घोषणा केली आहे. या अंतर्गत सरकार तुम्हाला फक्त 100 रुपयांत किराणा सामान देत आहे. केंद्र सरकारच्या मोफत राशन योजनेला डिसेंबरपर्यंत मुदतवाढ मिळाल्याने देशभरातील कार्डधारकांमध्ये आनंदाचे वातावरण आहे, तर महाराष्ट्र सरकारच्या या घोषणेने राज्यातील शिधापत्रिकाधारकांची दिवाळी आणखीनच उजळून निघाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
