Ration Card Holder Ayushman Card: शिधापत्रिकाधारकांची सोय लक्षात घेऊन शासनाकडून नवनवीन निर्णय घेतले जात आहेत. अंत्योदय शिधापत्रिका असलेल्या सर्व कुटुंबांसाठी आयुष्मान कार्ड बनवण्याचा निर्णय सरकारने अलीकडेच घेतला आहे. मात्र आयुष्मान कार्ड बनवण्याची सुविधा सार्वजनिक सुविधा केंद्रे आणि सरकारी रुग्णालयांमध्येच सुरु करण्यात आली होती. मात्र कार्ड काढण्यासाठी इथे लांबच लांब रांगा लागत होत्या. अनेकवेळा कनेक्टिव्हिटीच्या समस्येमुळे लाभार्थ्यांना दिवसभर मनस्ताप सहन करावा लागला.
चेहरा दाखवूनही आयुष्मान कार्ड बनवता येते
आता या सर्व समस्यांपासून सुटका मिळवण्यासाठी सरकारने एक नवी घोषणा केली आहे. जुन्या पद्धतीनुसार 'आयुष्मान कार्ड' अंगठ्याद्वारे बनवले जाते. मात्र नव्या नियमांतर्गत आता अंगठ्यासोबत चेहरा दाखवून ‘आयुष्मान कार्ड’ बनवले जाणार आहे. अशाप्रकारे आयुष्मान कार्ड बनविण्याची जबाबदारीही ग्रामपंचायत सहाय्यक आणि आशा यांच्यावर सोपविण्यात आली आहे. सरकारी रुग्णालये (Hospital) आणि सार्वजनिक सुविधांमध्येही ही सुविधा उपलब्ध असेल.
2011 च्या जनगणनेच्या आधारे नाव समाविष्ट केले जाईल
आता सरकारने (Government) असा उपाय सुचवला आहे, ज्याद्वारे गावोगावी जाऊन आयुष्मान कार्ड बनवता येतील. याअंतर्गत पंचायत कर्मचारी चेहरा स्कॅन केल्यानंतर लगेच आयुष्मान कार्ड बनवू शकतील. या अ‍ॅपमध्ये 2011 च्या जनगणनेनुसार लोकांची नावे आहेत. त्या लाभार्थ्यांनाही नव्या सुविधेचा लाभ मिळणार आहे. उर्वरित अंत्योदय आणि कामगार विभागाच्या लाभार्थ्यांना लाभ मिळणार आहे.
जिल्हा आणि तहसील स्तरावर विशेष मोहीम
सर्व अंत्योदय कार्डधारकांच्या मोफत उपचारासाठी आयुष्मान कार्ड बनवण्याचा निर्णय सरकारने घेतला आहे. त्यासाठी जिल्हा आणि तहसील स्तरावर विशेष मोहीमही राबविण्यात आली आहे. विशेष म्हणजे, सरकारने घरोघरी जावून कार्डे बनविण्याची सुविधा सुरु केली आहे. अभियानांतर्गत अंत्योदय कार्डधारक कुटुंबातील सर्व सदस्यांना आयुष्मान कार्ड बनविण्याचे उद्दिष्ट ठेवण्यात आले आहे.
शिवाय, दारिद्र्यरेषेखालील (BPL) कुटुंबांना अंत्योदय शिधापत्रिका दिली जाते. या कार्डद्वारे लाभार्थ्याला दर महिन्याला स्वस्त दरात खाद्यपदार्थ मिळतात. कार्डधारकांना एकूण 35 किलो गहू आणि तांदूळ दिले जाते. यासाठी गहू 2 रुपये किलो आणि तांदूळ 3 रुपये किलो मोजावे लागणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
