थोड्याच वेळात अर्थमंत्र्यांची पत्रकार परिषद, 'या' क्षेत्रांना मिळणार दिलासा

अर्थमंत्री(Finance Minister) निर्मला सीतारमण (Nirmala Sitharaman) या थोड्याच वेळात पत्रकार परिषद घेणार आहेत .या पत्रकार परिषदेकडे सर्वांचेच लक्ष लागले आहे कारण अर्थमंत्री आज काही मोठ्या घोषणा करण्याची शक्यता आहेत. ज्यामध्ये प्रामुख्याने कोविड(Covid19) महामारीने रखडलेल्या क्षेत्रांसाठी काही मोठ्या घोषणा करू शकतात , वित्त मंत्रालय पर्यटन, विमानचलन, अशा अनेक उद्योगांसह छोट्या उद्योगांना काही प्रमाणात दिलासा देण्याची घोषणाही अर्थमंत्री करतील अशी अपेक्षा आहे.

कोविड महामारीमुळे देशाचा आर्थिक गाडा काही प्रमाणात थांबला आहे त्यातच आता विविध संस्था कर माफ करण्यासाठी सरकारकडे आर्थिक मदतीची मागणी करीत आहेत तसेच ऑल इंडिया कन्फेडरेशन ऑफ गुड्स व्हीकल ओनर्स असोसिएशनने केंद्र सरकारला विनंती केली आहे की डिझेलच्या किंमतीतील त्वरित दरवाढ रोखली जावी आणि परिवहन क्षेत्राच्या चालक व कामगारांना प्राधान्यांच्या आधारे लसी द्यावी.

त्याचबरोबर त्यांनी रस्ते वाहतूक आणि महामार्ग मंत्री नितीन गडकरी यांना पाठवलेल्या पत्रात कोविड १९ च्या परिणामामुळे झालेल्या नुकसानीचा अंदाज घेण्यासाठी व सुधारात्मक कारवाई करण्यासाठी सर्वसमावेशक अभ्यास करण्याची मागणी देखील केली आहे.तसेच त्यांनी चालू आर्थिक वर्षात टोल फी, रस्ते कर, राज्य कर आणि इतर विविध करांमध्ये सूट जाहीर करण्याची विनंतीही युनियनने सरकारकडे केली आहे.

आता असे अनेक प्रश्न देशाच्या बहुतांश क्षेत्रात उभे टाकले आहेत त्यातच आता अर्थमंत्री काय घोषणा करतील आणि देशवासियांना काय दिलासा मिळेल हे पाहणं महत्वाचं ठरणार आहे.