Bandhan Bank: जर तुमचे खाते पंजाब नॅशनल बँकेत (PNB) असेल तर ही बातमी तुमच्यासाठी महत्त्वाची आहे. देशातील दिग्गज सरकारी बँक PNB (PNB) ने ग्राहकांना मोठा धक्का दिला आहे.
बँकेकडून कर्जदरात 0.10% वाढ करण्यात आली आहे. PNB ने आपल्या ग्राहकांसाठी कर्ज दरांची सीमांत किंमत (Bandhan Bank MCLR) बदलली आहे. बँकेच्या बाजूने, त्यात 10 बेसिस पॉइंट्स म्हणजेच 0.10 टक्के वाढ करण्यात आली आहे.
बँकेच्या अधिकृत वेबसाइटवर दिलेल्या माहितीनुसार, PNB चा नवीन MCLR दर 1 मार्च 2023 पासून लागू होईल. MCLR वाढल्याने तुमच्या कर्ज घेण्यावर थेट परिणाम होईल. याचा परिणाम असा होईल की, ग्राहकांचा (Customers) ईएमआय वाढेल. या बदलामुळे नवीन आणि जुने दोन्ही ग्राहक प्रभावित होतील.
PNB च्या अधिकृत वेबसाइटनुसार, बँकेने ओव्हरनाइट MCLR 7.90% वरुन 8.00% पर्यंत वाढवला आहे. एका महिन्याच्या कर्जासाठी MCLR 8.10%, 3 महिन्यांसाठी 8.20% आणि 6 महिन्यांच्या MCLR साठी 8.40% निश्चित करण्यात आला आहे.
बँकेने (Bank) एका वर्षाच्या कर्जावर MCLR 8.50% आणि तीन वर्षांसाठी 8.80% MCLR निश्चित केला आहे. खाजगी क्षेत्रातील आघाडीच्या बंधन बँकेनेही ग्राहकांसाठी MCLR दर वाढवला आहे. बंधन बँकेच्या अधिकृत वेबसाइटनुसार, MCLR दर 16 बेसिस पॉइंट्सपर्यंत वाढवण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.