PM Kisan Scheme 14th Installment Date: केंद्र सरकार लवकरच देशातील कोट्यवधी शेतकऱ्यांच्या खात्यात पुढील हप्त्याचे पैसे जमा करु शकते. पुढील महिन्यात सरकार शेतकऱ्यांना 2000 रुपयांची भेट देऊ शकते.
देशभरातील शेतकरी 14 व्या हप्त्याची (PM Kisan Yojana) वाट पाहत आहेत. पीएम मोदींनी 26 फेब्रुवारी रोजी 13 वा हप्ता जारी केला, ज्या अंतर्गत सुमारे 16,800 कोटी रुपये शेतकऱ्यांच्या खात्यात हस्तांतरित करण्यात आले होते.
सूत्रांकडून मिळालेल्या माहितीनुसार, केंद्र सरकार पीएम किसानच्या (PM Kisan) पुढील हप्त्यासाठी जून महिन्यात पैसे हस्तांतरित करु शकते. यावेळी 23 जून रोजी शेतकऱ्यांच्या खात्यात 2000 रुपयांचा हप्ता येऊ शकतो, अशी बातमी येत आहे. 14 व्या हप्त्याचे पैसे एप्रिल ते जुलै दरम्यान हस्तांतरित केले जातील.
भाजप 30 मे पासून जनसंपर्क मोहीम राबवत आहे, ज्यामध्ये पीएम मोदी देखील संबोधित करणार आहेत. परंतु हे संबोधन कोणत्या तारखेला होणार हे अद्याप स्पष्ट नाही. दरम्यान, सरकार (Government) पीएम किसानचे पैसे देखील हस्तांतरित करु शकते.
>> हप्त्याचे स्टेटस पाहण्यासाठी तुम्ही पीएम किसानच्या वेबसाइटवर जा.
>> आता Farmers Corner वर क्लिक करा.
>> आता Beneficiary Status या पर्यायावर क्लिक करा.
>> आता तुमच्यासमोर एक नवीन पेज उघडेल.
>> येथे तुम्ही तुमचा आधार क्रमांक, मोबाईल क्रमांक टाका.
>> यानंतर तुम्हाला तुमच्या स्टेटसची संपूर्ण माहिती मिळेल.
पीएम किसान वेबसाइटनुसार, पीएम किसान नोंदणीकृत शेतकऱ्यांसाठी eKYC अनिवार्य आहे. केवायसी ऑनलाइन करायचे असल्यास, ओटीपी आधारित ईकेवायसी पीएम किसान पोर्टलवर उपलब्ध आहे.
शेतकरी बायोमेट्रिक आधारित केवायसी देखील करु शकतात. यासाठी बायोमेट्रिक आधारित केवायसीसाठी सीएससी केंद्रांना भेट देऊन केवायसी करता येईल. अशा परिस्थितीत, जर तुम्हाला पीएम किसानच्या 14 व्या हप्त्याचा लाभ हवा असेल, तर लवकरच केवायसी करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.