PM Kisan Samman Nidhi Scheme: पंतप्रधान किसान सन्मान निधीचा (PM Kisan Yojana) लाभ घेणाऱ्या कोट्यवधी कर्मचाऱ्यांसाठी मोठी बातमी आहे. तुम्हीही पीएम किसानच्या 13 व्या हप्त्याची वाट पाहत असाल तर तुमच्यासाठी एक महत्त्वाची बातमी आहे. सरकारने 13 व्या हप्त्याबाबत आवश्यक अपडेट जारी केले आहेत. पीएम किसान योजनेचा 13 वा हप्ता डिसेंबर 2022 ते मार्च 2023 पर्यंत ट्रान्सफर केला जाईल. 17 ऑक्टोबर रोजी सरकारने 12 व्या हप्त्याचे पैसे कोट्यवधी शेतकऱ्यांच्या खात्यात ट्रान्सफर केले आहेत.
दरम्यान, पीएम किसान (PM Kisan) योजनेबाबत अनेक प्रकारची फसवणूक पाहायला मिळत आहे, त्यामुळे सरकारने आतापासून या योजनेसाठी राशनकार्ड क्रमांक सादर करणे आवश्यक केले आहे. जर तुम्ही तुमचा राशनकार्ड (Ration Card) नंबर दिला नसेल तर तुम्हाला 2000 रुपये मिळणार नाहीत.
यासोबतच, सरकारने ई-केवायसी, भूमी अभिलेख पडताळणी आणि आता राशनकार्ड क्रमांक सादर करणे बंधनकारक केले आहे, जरी शेतकऱ्याला त्याचे राशनकार्ड सादर करावे लागणार नसले तरी त्याची नवीन नोंदणी करुन घ्यावी लागेल.
दुसरीकडे, जर कोणी शेतजमिनीचा मालक असेल, पण तो सरकारी कर्मचारी असेल किंवा निवृत्त झाला असेल, विद्यमान किंवा माजी खासदार, आमदार, मंत्री असेल, तर असे लोकही शेतकरी योजनेच्या लाभासाठी अपात्र ठरतात. व्यावसायिक नोंदणीकृत डॉक्टर, अभियंता, वकील, चार्टर्ड अकाउंटंट किंवा त्यांचे कुटुंबीयही अपात्रांच्या यादीत येतात. आयकर भरणाऱ्या कुटुंबांनाही या योजनेचा लाभ मिळणार नाही.
तसेच, या योजनेत केंद्र सरकारकडून शेतकऱ्यांना दरवर्षी 6000 रुपये दिले जातात. आतापर्यंत 12 हप्त्यांचे पैसे सरकारकडून शेतकऱ्यांच्या खात्यात जमा झाले असून लवकरच 13 व्या हप्त्याचे पैसेही खात्यात येणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
