PM Kisan Samman Nidhi: पीएम किसान सन्मान निधीच्या 13व्या हप्त्याची प्रतीक्षा यावेळी लांबत चालली आहे. मात्र, आता फेब्रुवारीच्या दुसऱ्या आठवड्यात हा हप्ता शेतकऱ्यांच्या खात्यावर जमा होणे अपेक्षित आहे.
शेतकऱ्यांचे उत्पन्न दुप्पट करण्यासाठी सरकारकडून सातत्याने पावले उचलली जात आहेत. या क्रमाने, आता सहकार मंत्रालय, माहिती तंत्रज्ञान मंत्रालय, नाबार्ड आणि CSC ई-गव्हर्नन्स सर्व्हिसेस इंडिया लिमिटेड यांच्यात सामंजस्य करार करण्यात आला आहे.
या सामंजस्य करारांतर्गत, सामायिक सेवा केंद्राद्वारे प्रदान केलेल्या सेवा आता प्राथमिक कृषी पतसंस्था (PACS) द्वारे देखील प्रदान केल्या जातील.
एका निवेदनानुसार, केंद्रीय गृह आणि सहकार मंत्री अमित शहा (Amit Shah) आणि केंद्रीय इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांच्या उपस्थितीत सामंजस्य करारावर स्वाक्षरी करण्यात आली. शहा म्हणाले की, या सामंजस्य करारानुसार, प्राथमिक कृषी पतसंस्था आता कॉमन सर्व्हिस सेंटर (सीएसी) म्हणून काम करु शकतील.
यासह, PACS च्या 13 कोटी सदस्यांसह ग्रामीण जनतेला 300 हून अधिक सेवा उपलब्ध करुन दिल्या जातील. यामुळे PACS च्या व्यावसायिक क्रियाकल्पांमध्ये वाढ होईल आणि त्यांना स्वावलंबी आर्थिक संस्था बनण्यास मदत होईल. शहा म्हणाले की, PACS नागरिकांना (Citizens) CSC योजनेच्या डिजिटल सेवा पोर्टलवर सूचीबद्ध केलेल्या सर्व सेवा प्रदान करण्यास सक्षम असेल.
यामध्ये बँकिंग, विमा, आधार नोंदणी/अपडेट, कायदेशीर सेवा, कृषी उपकरणे, पॅन कार्ड तसेच IRCTC, रेल्वे, बस आणि विमान प्रवास तिकिटांशी संबंधित सेवांचा समावेश आहे. शेवटी ते म्हणाले की, PACS आता PACS च्या संगणकीकरणासाठी केंद्र पुरस्कृत योजनेंतर्गत विकसित केले जाणारे राष्ट्रीय सॉफ्टवेअर वापरुन CSCs म्हणून कार्य करु शकतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
