Pension Scheme For Farmers: केंद्रातील मोदी सरकार शेतकऱ्यांची आर्थिक स्थिती मजबूत करण्यासाठी विविध योजना राबवत आहे. पीएम किसान सन्मान निधी ही केंद्राच्या महत्त्वाकांक्षी योजनांपैकी एक आहे.
या योजनेंतर्गत PM मोदींनी 27 जुलै रोजी DBT द्वारे 8 कोटींहून अधिक शेतकऱ्यांच्या खात्यात 2-2 हजार रुपये ट्रान्सफर केले.
देशातील कोट्यवधी शेतकऱ्यांना पीएम किसान योजनेसोबत दरमहा 3000 रुपयांची भेटही मिळणार आहे. हे पैसेही शेतकऱ्यांच्या खात्यातच जमा होणार आहेत.
प्रधानमंत्री किसान मानधन योजना (PM Kisan Mandhan Yojana) देखील केंद्राने PM किसान योजनेसोबत सुरु केली आहे, ज्यामध्ये शेतकऱ्यांना आर्थिक मदत दिली जाते.
पीएम मानधन योजनेंतर्गत सरकार दरमहा 3000 रुपये शेतकऱ्यांच्या खात्यात हस्तांतरित करणार आहे. योजनेंतर्गत शेतकऱ्यांना (Farmer) मासिक तीन हजार रुपये पेन्शन देण्याची तरतूद आहे.
योजनेचा प्रीमियम किसान सन्मान निधी योजनेच्या रकमेतून कापला जातो. यासाठी तुम्हाला वेगळा फॉर्म भरावा लागेल.
या पेन्शन योजनेचा लाभ घेण्यासाठी शेतकऱ्यांना दरमहा 55 ते 200 रुपयांपर्यंत योगदान द्यावे लागेल. या योजनेअंतर्गत नोंदणी करणाऱ्या व्यक्तीचे वय 60 वर्षे होईल, त्यानंतर दरमहा 3000 रुपये पेन्शन खात्यात येऊ लागेल. 18 ते 40 वयोगटातील कोणतीही व्यक्ती यामध्ये सहभागी होऊ शकते.
देशातील वृद्ध शेतकऱ्यांना पेन्शन (Pension) देण्यासाठी सरकारने ही योजना सुरु केली आहे. योजनेत शेतकऱ्यांना वर्षभरात 36 हजार रुपये दिले जातात. 40 वर्षापर्यंतचे शेतकरी या योजनेचा लाभ घेऊ शकतात. पेन्शन मिळवायची असेल तर वयानुसार प्रीमियम निश्चित केला जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
