Old Pension Scheme: जुन्या पेन्शन योजनेच्या मागणीवरुन सुरु असलेले युद्ध अधिक तीव्र होत आहे. नुकतेच हरियाणातील शेकडो माजी आणि वर्तमान कर्मचाऱ्यांनी जुन्या पेन्शनच्या मागणीसाठी मुख्यमंत्र्यांच्या निवासस्थानाजवळ निदर्शने केली. जुनी पेन्शन पूर्ववत करण्याची या कर्मचारी आणि निवृत्ती वेतनधारकांची मागणी होती.
यापूर्वी, अनेक राज्य सरकारांनी जुनी पेन्शन बहाल केली आहे. जुनी पेन्शन बहाल करणारे छत्तीसगडचे मुख्यमंत्री भूपेश बघेल यांनी नुकतीच एका मुलाखतीदरम्यान देशभरात ती बहाल करण्याची मागणी केली होती.
आता जुन्या पेन्शनच्या मागणीत मोठी सुधारणा अशा वेळी आली आहे, जेव्हा मध्यप्रदेशात भाजपचे (BJP) आमदार गौरीशंकर बिसेन यांनी वक्तव्य केले. माजी कृषिमंत्री बिसेन यांनी आपल्याच सरकारवर हल्लाबोल केला. या वेळी ते म्हणाले की, जुनी पेन्शन योजना पूर्ववत करावी.
दुसरीकडे, सूत्रांनी दावा केला आहे की, मोदी सरकार जुन्या पेन्शनच्या मागणीवर मध्यम मार्ग शोधण्याचा विचार करत आहे. पहिला पर्याय म्हणून, सरकारी कर्मचार्‍यांना NPS अंतर्गत मिळालेल्या शेवटच्या पगाराच्या सुमारे 50% हमी पेन्शन द्यावी, असा सरकारकडून (Government) विचार केला जात आहे. या नियमाच्या अंमलबजावणीमुळे, सरकारी तिजोरीवर जास्त बोजा न पडता सध्याच्या NPS मध्ये बदल करता येतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
