एमजी मोटर इंडियाने त्यांच्या सर्वात लोकप्रिय एसयूव्ही हेक्टरचे नवीन मॉडेल लॉन्च करुन मोठा धमाका केला. कंपनीने हे नवीन मॉडेल E20 पेट्रोल इंधन क्षमतेसह लॉन्च केले. त्याची किंमत ₹13.99 लाख एक्स-शोरुम पासून सुरु होते. एमजी हेक्टर ही टाटा हॅरियर, महिंद्रा एक्सयूव्ही 700 आणि स्कॉर्पिओ एन सारख्या इतर एसयूव्हींशी स्पर्धा करते. ती हुंडई क्रेटा आणि किआ सेल्टोसलाही स्पर्धेत टक्कर देते, विशेषतः लोअर आणि मिड-स्पेक व्हेरिएंटमध्ये. एमजी हेक्टर 5-सीटर व्हेरिएंटमध्ये येते, परंतु तिचा 6 आणि 6-सीटर लेआउट एमजी हेक्टर प्लसच्या स्वरुपात देखील उपलब्ध आहे.
दरम्यान, हेक्टर ही तीच एसयूव्ही आहे, जिच्या मदतीने एमजी भारतात (India) दाखल झाली. ही एसयूव्ही इतकी पसंत केली गेली की एमजी फार कमी वेळात एक लोकप्रिय ब्रँड बनली. हेक्टर तिच्या प्रीमियम डिझाइन आणि तंत्रज्ञानाने समृद्ध केबिनसाठी ओळखली जाते. यात 14 इंचाची मोठी टचस्क्रीन, कनेक्टेड कार फीचर्स आणि लेव्हल 2 एडीएएस देखील आहेत. हेक्टर पेट्रोल आणि डिझेल दोन्ही इंजिन व्हेरिएंटमध्येही उपलब्ध आहे.
एमजी हेक्टरमध्ये कंपनीकडून क्लासिक फीचर्स देण्यात आले आहेत. जसे की, त्यात वायरलेस अँड्रॉइड ऑटो आणि अ‍ॅपल कारप्लेसह 14-इंच टचस्क्रीन आहे. 7-इंचाचा पूर्णपणे डिजिटल ड्रायव्हर डिस्प्ले आणि 8-स्पीकर साउंड सिस्टम इन्फोटेनमेंट उपलब्ध आहे. याशिवाय, दोन्ही पुढच्या सीट इलेक्ट्रिकली अ‍ॅडजस्टेबल असून त्यांना सीट व्हेंटिलेशन देखील देण्यात आले आहे. तसेच, इतर फीचर्समध्ये पॅनोरॅमिक सनरुफ, 360-डिग्री कॅमेरा, वायरलेस फोन चार्जिंग आणि ऑटोमॅटिक क्लायमेट कंट्रोल यांचा समावेश देखील आहे.
एमजी हेक्टर दोन इंजिन व्हेरिएंटसह येते. यात 1.5-लिटर टर्बो-पेट्रोल (Petrol) इंजिन आणि अधिक शक्तिशाली 2.0-लिटर डिझेल इंजिन आहे. दरम्यान, एसयूव्हीच्या मायलेजबद्दल बोलायचे झाल्यास, कंपनीने अद्याप याबाबत अधिकृतरित्या सांगितले नाही, परंतु हेक्टर 12-16 किमी प्रति लिटर पर्यंत मायलेज देते. सुरक्षेसाठी, एमजी हेक्टरमध्ये 6 एअरबॅग्ज, ईबीडीसह एबीएस, इलेक्ट्रॉनिक स्टेबिलिटी कंट्रोल, 360 डिग्री कॅमेरा आणि टायर प्रेशर मॉनिटरिंग सिस्टम असे फीचर्स उपलब्ध आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.