Why A US Startup Fired Its Entire Workforce: अमेरिकन स्टार्टअप ही या वर्षी मोठ्या संख्येने कर्मचाऱ्यांना काढून टाकणारी पहिली कंपनी ठरली आहे. Frontdesk नावाच्या या स्टार्टअपने 2 जानेवारी रोजी व्हर्च्युअल कॉल दरम्यान आपल्या संपूर्ण कर्मचाऱ्यांना काढून टाकले. या कंपनीत 200 लोक काम करत होते. FrontDesk ची स्थापना 2017 मध्ये झाली होती. हे एक प्रोपटेक किंवा प्रॉपर्टी टेक्नॉलॉजी स्टार्टअप आहे. गेल्या मंगळवारी दोन मिनिटांच्या गुगल मीट कॉल दरम्यान कंपनीने आपले सर्व फुल टाइम, पार्ट टाइम आणि कंत्राटी कर्मचाऱ्यांना कामावरुन काढून टाकले. ही कंपनी संपूर्ण अमेरिकेत 1000 हून अधिक फर्निश्ड अपार्टमेंटचे व्यवस्थापन करत होती.
फ्रंटडेस्कचे सीईओ जेसी डीपिन्टो यांनी कॉल दरम्यान कर्मचार्‍यांना सांगितले की, कंपनी स्टेट रिसीवरशिपसाठी दावा दाखल करेल, जो दिवाळकोरीचा पर्याय आहे. या स्टार्टअपने संपूर्ण बिल्डींग मॅनेज करण्याच्या आपल्या योजनेबद्दल गुंतवणूकदारांना पटवून देण्याचा प्रयत्न केला होता, परंतु यामधून काहीही निष्पन्न झाले नाही. फ्रंटडेस्कने गुंतवणूकदारांकडून सुमारे $26 दशलक्ष (सुमारे 216 कोटी रुपये) उभे केले होते. त्याच्या गुंतवणूकदारांमध्ये जेटब्लू व्हेंचर्स, वेरिटास इन्व्हेस्टमेंट्स आणि सँड हिल एंजल्स सारख्या नामांकित कंपन्यांचा समावेश होता. पण गुंतवणूकदार कंपनीच्या नव्या योजनेशी सहमत नव्हते. याचा परिणाम असा झाला की, फ्रंटडेस्कला त्याचे काम थांबवावे लागले.
दरम्यान, या स्टार्टअपचे बिझनेस मॉडेल बाजार रेंटल रेट्समध्ये अपार्टमेंट भाड्याने देणे आणि त्याला फर्निश्ड करणे आणि त्यांना अल्प कालावधीसाठी भाड्याने देणे हे होते. परंतु कंपनीला अपार्टमेंट्स फर्निश्ड करण्यासाठी खूप खर्च करावा लागला आणि त्यानुसार कमाई होऊ शकली नाही. त्यामुळे गुंतवणूकदारांचाही त्यात रस कमी झाला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.