देशातील सुप्रसिद्ध वाहन उत्पादक कंपनी महिंद्रा अँड महिंद्रा (M&M) ने महिंद्रा सान्यो स्पेशल स्टील प्रायव्हेट लिमिटेड (Mahindra Sanyo Special Steel Pvt. Ltd.) मधील 34.75 लाख शेअर्स जपानस्थित सान्यो स्पेशल स्टील कंपनी लिमिटेडला 212 कोटी रुपयांना विकण्याचे मान्य केले आहे. (Mahindra MSSSPL to sell Rs 212 crore stake)
महिंद्रा अँड महिंद्राने एका नियामक नोटिसमध्ये म्हटले की, या शेअर विक्रीनंतर MSSSPL मधील त्यांची हिस्सेदारी 'शून्य' होणार आहे. महिंद्रा सान्यो स्पेशल स्टील प्रायव्हेट लिमिटेड (MSSSPL) मधील पेड-अप भांडवलाच्या 22.81 टक्क्यांनी विकले जाणारे शेअर्स आहेत.
कंपनीचे काय म्हणणे आहे?
मुंबईस्थित ऑटोमेकरला त्याच्या स्टेकच्या विक्रीतून 211.99 कोटी रुपये मिळणार आहेत. M&M ने सांगितले की 31 मार्च 2021 रोजी संपलेल्या वर्षात MSSSPL ची उलाढाल 834.43 कोटी रुपये एवढी होती, जी कंपनीच्या एकत्रित व्यवसायाच्या 1.12 टक्के एवढी आहे.
महिंद्रा अँड महिंद्रा लिमिटेड ही एक भारतीय बहुराष्ट्रीय ऑटोमोटिव्ह मॅन्युफॅक्चरिंग कॉर्पोरेशन कंपनी आहे ज्याचे ऑफिस मुंबईमध्ये आहे. त्याची स्थापना 1945 मध्ये महिंद्रा अँड मुहम्मद म्हणून करण्यात आली आणि त्यानंतर त्याचे नाव महिंद्रा अँड महिंद्रा असे ठेवण्यात आले. महिंद्रा समूहाचा एक भाग, M&M उत्पादनाच्या बाबतीत भारतातील सर्वात मोठ्या वाहन उत्पादकांपैकी एक आहे, महिंद्र अँड महिंद्राचा शेअर 865 रुपये एवढा आहे. गेल्या पाच ट्रेडिंग सत्रांमध्ये तो 4.96 टक्क्यांनी वाढला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
