देशातील सर्वात मोठी विमा कंपनी भारतीय आयुर्विमा महामंडळ (LIC) च्या मेगा इनिशियल पब्लिक ऑफरिंग (IPO) कडे सर्वांचे लक्ष लागले आहे. LIC IPO साठी सरकार पुढील आठवड्यापर्यंत बाजार नियामक सेबीकडे मसुदा कागदपत्रे दाखल करू शकते. अर्थमंत्री निर्मला सीतारामन (Nirmala Sitharaman) यांनी त्यांच्या 2022-23 च्या अर्थसंकल्पीय भाषणात सांगितले होते की एलआयसीचा (LIC) मुद्दा लवकरच येण्याची अपेक्षा आहे. डीआयपीएएमचे सचिव तुहिन कांत पांडे यांनी सांगितले की, सिक्युरिटीज अँड एक्सचेंज बोर्ड ऑफ इंडिया (Sebi) ची मंजुरी मिळाल्यानंतर एलआयसीचा आयपीओ मार्चपर्यंत बाजारात येऊ शकतो. (LIC IPO Latest News Update)
अर्थमंत्री निर्मला सीतारामन यांनी त्यांच्या 2022-23 च्या अर्थसंकल्पीय भाषणात सांगितले होते की एलआयसीचा मुद्दा लवकरच येण्याची अपेक्षा आहे. चालू आर्थिक वर्षासाठी निर्गुंतवणुकीचे उद्दिष्ट 78,000 कोटी रुपये करण्यात आले आहे. पण हे उद्दिष्ट साध्य करण्यासाठी एलआयसीची सूचीही महत्त्वाची आहे.
LIC IPO मध्ये सहभागी होण्यासाठी या गोष्टी करा
जर तुमच्याकडे LIC पॉलिसी असेल आणि तुम्हाला या IPO मध्ये सहभागी व्हायचे असेल तर तुम्हाला दोन गोष्टींची आवश्यकता असेल. प्रथम- तुमच्या एलआयसी पॉलिसी खात्यामध्ये पॅन क्रमांक असणे आवश्यक आहे आणि दुसरे- तुमच्याकडे डीमॅट खाते असणे आवश्यक आहे. आगामी LIC IPO मध्ये, पॉलिसीधारकांसाठी इश्यू आकाराच्या 10 टक्क्यांपर्यंत राखीव असेल. जीवन विमा कंपनीने त्यांच्या पॉलिसीधारकांना त्यांचे पॅन अपडेट करण्यास सांगितले आहे जेणेकरून ते प्रस्तावित सार्वजनिक ऑफरमध्ये सहभागी होऊ शकतील.
अशा कोणत्याही सार्वजनिक ऑफरमध्ये सहभागी होण्यासाठी, पॉलिसीधारकांनी त्यांचे पॅन तपशील कॉर्पोरेशनच्या रेकॉर्डमध्ये अद्यतनित केले आहेत याची खात्री करणे आवश्यक आहे. एलआयसीने यापूर्वी सार्वजनिक नोटीसमध्ये म्हटले होते की, भारतातील कोणत्याही सार्वजनिक ऑफरचे सदस्यत्व तुमच्याकडे वैध डीमॅट खाते असल्यासच शक्य आहे.
डिमॅट खाते
इक्विटी मार्केटमध्ये शेअर्स खरेदी आणि विक्रीसाठी डीमॅट खाते ही मुख्य आवश्यकता आहे. ही खाती NSDL आणि CDSL सारख्या डिपॉझिटरी संस्थांद्वारे राखली जातात. आधार, पॅन तपशील आणि पत्ता पुरावा इत्यादी कागदपत्रे देखील आवश्यक आहेत. एलआयसीकडे 25 कोटींहून अधिक पॉलिसीधारक आहेत तर डिमॅट खात्यांची संख्या 8 कोटी आहे.
सरकारने चालू आर्थिक वर्षात 1.75 लाख कोटी रुपयांचे निर्गुंतवणुकीचे लक्ष्य ठेवले होते. परंतु सरकारने चालू आर्थिक वर्षात निर्गुंतवणुकीचे उद्दिष्ट 78 हजार कोटी रुपयांवर आणले आहे. सरकारने आतापर्यंत एअर इंडियाचे खाजगीकरण आणि इतर PSUs मधील हिस्सेदारी विकून सुमारे 12,000 कोटी रुपये उभे केले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
