लोनवर कार घेत असाल तर या गोष्टी ठेवा लक्षात

भारतामध्ये कार खरेदी करणे हा अजूनही मोठा निर्णय मानला जातो. आपल्या देशात कार खरेदी करणे हे देखील स्टेटस सिम्बॉल मानले जाते. कार (Car)खरेदी करण्यासाठी बँका (Bank) आणि वित्तीय संस्था मदत करतात. यांच्या मदतीने तुम्ही तुमची आवडती कार खरेदी करण्यासाठी कर्ज घेऊ शकता. तुमच्या ड्रीम कारला आर्थिक मदत करण्यासाठी ऑटोलोन घेतांना तुम्ही काही गोष्टी लक्षात ठेवल्या पाहिजेत. यामुळे आपले आर्थिक नुकसान होण्यापासून बचाव होऊ शकतो.

* तुमची क्रेडिट हिस्ट्री तपासा

एका अहवालात असे म्हंटले आहे की कारसाठी लोन घेण्यापूर्वी क्रेडिट स्कोअरची माहीती करून घेणे आवश्यक आहे. ज्या ग्राहकाला त्याचा क्रेडिट स्कोअर माहीत असेल तो कोणत्या कर्जाच्या अटींसाठी पात्र आहे आणि कर्ज (Loan) मिळू शकते की नाही हे समजते. आजकाल कर्ज देताना क्रेडिट स्कोअरची तपासणी केली जाते. तसेच, अनेक बँका (Bank) यावर आधारित व्याजदर देतात, त्यामुळे परवडणारे कर्ज मिळविण्यासाठी तुमचा क्रेडिट स्कोअर माहिती असणे आवश्यक आहे.जर क्रेडिट स्कोअर कमी असेल आणि खरेदीसाठी गर्दी नसेल तर ग्राहक (Customer) चांगला व्याजदर मिळवण्यासाठी स्कोअर सुधारण्याचा निर्णय घेऊ शकतो. ग्राहक त्याच्या क्रेडिट कार्ड (Credit card) स्टेटमेंट किंवा ऑनलाइन खात्यावर त्याचा क्रेडिट स्कोअर सहजपणे मिळवू शकतो.

दीर्घ मुदतीसाठी कर्ज घेऊ नका

दीर्घकालीन कर्जाचा पर्याय ग्राहकांसाठी आकर्षक असू शकतो कारण त्यात कमी इएमआय भरणे सामाविष्ट असते, परंतु एकूण व्याज वाढते. दीर्घकालीन सहसा जास्त व्याजदर येतो आणि ग्राहकाला दीर्घ कालावधीसाठी इएमआय भरावे लागते. तसेच, दीर्घ मुदतीचे कर्ज म्हणजे कारचे मूल्य देखील कमी होते. समान्यत: 60 महीने हा जास्तीत जास्त कालावधी मनाला जातो ज्याचा विचार केला पाहिजे.

प्री-अप्रूव्ड लोन घ्यावे

कर्जासाठी (Loan) फक्त कार डीलर्सवर अवलंबून राहण्याएवजी, तुम्ही सवलती उपलब्ध असलेल्या इतरत्र चांगले पर्याय शोधू शकता. वेगेवगळ्या बँका (Bank) , क्रेडिट एजन्सी आणि ऑनलाइन कर्जदारांकडून पूर्व-मंजूर कर्जे तपासणे केव्हाही चांगले. कार खरेदी करण्यापूर्वी हे केले पाहिजे कारण यामुळे खरेदीदाराला किती कर्ज मंजूर केले जाऊ शकते आणि ग्राहकांसाठी व्याजदर काय असतील यांची कल्पना येईल.