वैष्णोदेवीच्या दरबारात जाणाऱ्या लाखो भाविकांना भारतीय रेल्वेने पुन्हा एकदा आनंदाची बातमी दिली आहे. रेल्वेची उपकंपनी इंडियन रेल्वे केटरिंग अँड टुरिझम कॉर्पोरेशन (IRCTC) ने प्रवाशांच्या सोयीसाठी 'नवरात्र स्पेशल टुरिस्ट ट्रेन' कटरा पर्यंत चालवण्याची घोषणा केली आहे. यावेळी आयआरसीटीसी (IRCTC) च्या वतीने भारत गौरव यात्रेअंतर्गत नवरात्रीच्या पवित्र दिवशी दोन विशेष एसी गाड्या चालवल्या जाणार आहेत.
नवरात्रीमध्ये या ट्रेनच्या दोन ट्रिप असतील,
ट्रेनच्या दोन ट्रिपपैकी पहिली 25 ते 29 सप्टेंबर आणि दुसरी 29 सप्टेंबर ते 4 ऑक्टोबर दरम्यान धावेल. ही ट्रेन दिल्लीच्या सफदरजंग रेल्वे स्टेशनपासून सुरू होईल आणि कटरापर्यंत जाईल. याशिवाय रेल्वेने भाविकांसाठी टूर पॅकेजही आणले असून त्यात निवास, भोजन आणि प्रवासाची व्यवस्था असेल. हे टूर पॅकेज 5 दिवस आणि 4 रात्रीचे असणार आहे.
सफदरजंग येथून ही विशेष ट्रेन असणार
5 दिवस आणि 4 रात्री धावेल नवरात्री विशेष माता वैष्णो देवी यात्रा टूर पॅकेज नवी दिल्लीतील सफदरजंग रेल्वे स्टेशनपासून सुरू होईल. यासाठी बुकिंग प्रथम येणाऱ्यास प्राधान्य या तत्त्वावर करण्यात येणार आहे. तुम्ही आयआरसीटीसीच्या अधिकृत वेबसाइटवर जाऊनही ते बुक करू शकता.
टूर पॅकेजची किंमत
एसी क्लासच्या या टूर पॅकेजसाठी, सिंगल शेअरिंगसाठी 13790 रुपये द्यावे लागतील. त्याच वेळी, दुहेरी / तिहेरी शेअरिंगसाठी 11,990 रुपये द्यावे लागतील. याशिवाय 5 ते 11 वर्षांच्या मुलासाठी 10,795 रुपये द्यावे लागतील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
