iPhone घेण्याचं स्वप्न होईल पूर्ण, iPhone 16e वर तब्बल 18 हजार रुपयांचा डिस्काउंट; 'इतक्या' किंमतीत मिळेल फोन!

iPhone 16e Discount Offer: नवीन वर्ष २०२६ च्या सुरुवातीलाच स्मार्टफोन प्रेमींसाठी आनंदाची बातमी समोर आली आहे. जर तुम्ही नवीन आयफोन खरेदी करण्याचा विचार करत असाल, तर हीच सर्वोत्तम वेळ आहे. गेल्या वर्षी लाँच झालेल्या ॲपलच्या अत्यंत लोकप्रिय iPhone 16e मॉडेलच्या किमतीत मोठी कपात करण्यात आली आहे. विशेष म्हणजे, ई-कॉमर्स क्षेत्रातील दिग्गज कंपन्यांना मागे टाकत एका प्रसिद्ध रिटेलरने ही तगडी सवलत जाहीर केली असून, ग्राहकांना सुमारे १८,००० रुपयांहून अधिक बचत करण्याची संधी मिळत आहे.

किंमतीत मोठी घसरण आणि बँक ऑफर्स

iPhone 16e गेल्या वर्षी ५९,९०० रुपयांच्या सुरुवातीच्या किमतीत लाँच झाला होता. मात्र, नवीन वर्षाच्या निमित्ताने 'विजय सेल्स'मध्ये (Vijay Sales) हा फोन चक्क ४४,४९० रुपयांच्या सवलतीच्या दरात लिस्ट करण्यात आला आहे. म्हणजे थेट १५,५०० रुपयांची कपात करण्यात आली आहे.

एवढेच नाही तर, निवडक बँकांच्या कार्डवर १०% किंवा ३,००० रुपयांपर्यंतचा इन्स्टंट डिस्काउंटही दिला जात आहे. या सर्व सवलतींचा विचार केला तर, ५९,९०० रुपयांचा हा फोन ग्राहकांना अंदाजे ४१,४९० रुपयांच्या आसपास पडू शकतो, ज्यामुळे मूळ किमतीत सुमारे १८,४१० रुपयांची बचत होत आहे.

ज्यांना एकदम मोठी रक्कम भरणे शक्य नाही, त्यांच्यासाठी नो-कॉस्ट ईएमआयची (No-cost EMI) सुविधाही उपलब्ध करून देण्यात आली आहे. ग्राहक दरमहा केवळ २,०३१ रुपयांच्या हप्त्यावर हा आयफोन घरी नेऊ शकतात.

हा फोन १२८ जीबी आणि २५६ जीबी अशा दोन स्टोरेज पर्यायांमध्ये उपलब्ध आहे. कनेक्टिव्हिटीसाठी यामध्ये ५जी (5G), वायफाय, ब्लूटूथ आणि सर्वात महत्त्वाचे म्हणजे युएसबी टाइप-सी (USB Type-C) पोर्टचा सपोर्ट देण्यात आला आहे.

iPhone 16e चे दमदार फीचर्स

या आयफोनमध्ये ६.१ इंचाचा सुपर रेटिना XDR OLED डिस्प्ले आहे, जो १२00 निट्स पीक ब्राइटनेससह येतो. कामगिरीच्या बाबतीत हा फोन अत्यंत वेगवान आहे, कारण यात ॲपलचा शक्तिशाली A18 Bionic चिपसेट वापरण्यात आला असून तो लेटेस्ट iOS 18 वर काम करतो.

कॅमेऱ्याबद्दल बोलायचे झाले तर, याच्या मागील बाजूस ४८ मेगापिक्सेलचा मुख्य कॅमेरा दिला आहे, जो उत्कृष्ट फोटोग्राफीसाठी ओळखला जातो. तर सेल्फीसाठी १२ मेगापिक्सेलचा फ्रंट कॅमेरा देण्यात आला आहे.