सुकन्या समृद्धी योजना (SSY) ही एक लहान बचत योजना आहे जी भारत सरकारद्वारे भारतामध्ये चालवली जाते. ही बालिका योजना 2015 मध्ये सुरू करण्यात आली होती या योजनेंतर्गत मुलीचे पालक कोणत्याही बँकेत किंवा पोस्ट ऑफिसमध्ये हे खाते उघडू शकतात. या योजनेत तुम्ही दरमहा किमान रक्कम जमा करून लाखोंचा निधी देखील तयार करू शकता. (Invest ₹12,500 per month in sukanya samriddhi yojana government scheme and earn lakhs of rupees)
आम्ही तुम्हाला सांगतो की, सरकारच्या या योजनेत तुम्हाला केवळ उत्तम रिटर्न कमावण्याची संधी मिळणार नाही, तर तुम्ही कर देखील वाचवू शकता. एखादी व्यक्ती एका आर्थिक वर्षात SSY खात्यात ₹1.5 लाखांपर्यंत जमा करू शकते आणि प्राप्तिकर कायदा, 1961 च्या कलम 80C अंतर्गत ₹1.5 लाखाच्या संपूर्ण गुंतवणुकीवर कर सवलतीचा दावा दखील करू शकते.
व्याज किती आहे?
Q2FY23 साठी SSY व्याज दर 7.6 टक्के एवढा आहे. तसेच हा दर अजूनही महागाईच्‍या सरासरी दरापेक्षा खूप वर आहे. म्हणून, जर एखादा गुंतवणूकदार त्यांच्या मुलीचे भविष्य सुधारू शकेल अशी बचत योजना शोधत असेल, तर SSY खाते तिच्यासाठी एक चांगला पर्याय देखील असू शकतो. कृपया लक्षात घ्या की या योजनेत कोणताही धोका नाहीये.
सुकन्या समृद्धी योजना (sukanya samriddhi yojana)
या योजनेत, जर एखाद्या गुंतवणूकदाराने आपल्या मुलीच्या नावावर दरमहा ₹ 12,500 ची गुंतवणूक केली, तर लॉक-इनच्या 21 वर्षानंतर, त्याच्याकडे सुमारे ₹ 64 लाखांचा निधी असणार आहे. समजा एखाद्या व्यक्तीने तिच्या वर्षाच्या मुलीच्या नावाने SSY खाते उघडले, तर ती पुढील 14 वर्षांसाठी खात्यात गुंतवणूक करू शकेल आणि मग मुलगी 21 वर्षांची झाल्यावर तिला खात्यातून पैसे काढता येऊ शकतात. संपूर्ण कालावधीसाठी 7.60 टक्के सपाट व्याजदर गृहीत धरून, जर एखाद्या व्यक्तीने आपल्या मुलीच्या 18 वर्षानंतर उपलब्ध 50 टक्के रक्कम काढली नाही, तर त्याला सुमारे 64 लाखांची परिपक्वता रक्कम हाती मिळेल. या योजनेअंतर्गत तुम्ही जास्तीत जास्त 1.5 लाख रुपये जमा करू शकता म्हणजे महिन्याचे 12,500 एवढी रक्कम झाली.
खाते कुठे उघडायचे?
सुकन्या समृद्धी योजनेअंतर्गत खाते कोणत्याही पोस्ट ऑफिस किंवा व्यावसायिक शाखेच्या अधिकृत शाखेमध्ये उघडता येते आणि या योजनेंतर्गत खाते मुलीच्या जन्मानंतर 10 वर्षापूर्वी 250 रुपयांच्या ठेवीसह उघडले जाऊ शकते.
हे कागदपत्र द्यावे लागेल का?
खाते उघडण्यासाठी तुम्हाला तुमच्या मुलीचे जन्म प्रमाणपत्र पोस्ट ऑफिस किंवा बँकेत फॉर्मसोबत जमा करावे लागेल आणि याशिवाय मुलगी आणि पालकांचे ओळखपत्र जसे की पॅनकार्ड, रेशनकार्ड, ड्रायव्हिंग लायसन्स, पासपोर्ट देखील द्यावा लागेल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
