Finance Minister Nirmala Sitharaman: लोकसभेत सोमवारी महागाईवर चर्चा होणार आहे. सूत्रांकडून मिळालेल्या माहितीनुसार, अर्थमंत्री निर्मला सीतारामन या चर्चेमध्ये उत्तरे देतील. महागाईवर चर्चेची मागणी विरोधक सातत्याने करत होते. त्यामुळे दोन आठवडे संसदेत सातत्याने गदारोळ सुरु होता. सभागृहाचे कामकाज सुरळीत सुरु नव्हते.
दरम्यान, महागाईच्या (Inflation) मुद्द्यावरुन झालेल्या गदारोळ आणि घोषणाबाजीमुळे विरोधी पक्षांच्या दीड डझनहून अधिक खासदारांना निलंबित करण्यात आले आहे. सदस्यांचे निलंबन मागे घेण्याची मागणी विरोधी पक्षनेत्यांनी केली आहे.
दुसरीकडे, महागाईच्या मुद्द्यावरुन विरोधकांनी आक्रमक भूमिका घेत महागाईसह अन्य मुद्द्यांवर संसदेचे (Parliament) कामकाज ठप्प केले. सरकारच्या म्हणण्यानुसार, जीवनावश्यक वस्तूंच्या किमती कमी झाल्या आहेत. कांदे, खाद्यतेल, वनस्पती तूप, टोमॅटो आणि चहा यासह विविध जीवनावश्यक वस्तूंची सहा महिन्यांची आकडेवारी जाहीर करुन सरकारने हा दावा केला आहे. सरकारने पुढे सांगितले की, 'सरकारच्या (Government) प्रयत्नांमुळे जीवनावश्यक वस्तूंच्या किमती सातत्याने खाली येत आहेत.'
तसेच, 25 एप्रिलपासून पाम तेलाच्या किमती 10 टक्क्यांनी कमी झाल्याचे सरकारकडून सांगण्यात आले. 25 एप्रिल रोजी पामतेलाची किंमत 154 रुपये प्रति लिटर होती, जी आता 25 जुलै रोजी 138 रुपयांवर आली आहे. या क्रमाने सोयाबीन तेल 165 रुपये (25 एप्रिल रोजी) वरुन 160 रुपये (25 जुलै रोजी) पर्यंत खाली आले आहे. सूर्यफूल तेल 188 रुपये (25 एप्रिल) वरुन 183 रुपये (25 जुलै), मोहरीचे तेल 184 रुपये (25 एप्रिल) वरुन 174 रुपये (25 जुलै), वनस्पती तूप 159 रुपये (25 जुलै) (25 एप्रिल भाव ) 157 रुपये (25 जुलै किंमत) पर्यंत खाली आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
