Ticket Concesation: भारतीय रेल्वे पुन्हा एकदा ज्येष्ठ नागरिकांना रेल्वे भाड्यातील सवलत बहाल करु शकते. रेल्वेमंत्री अश्विनी वैष्णव यांच्या वतीने राज्यसभेत दिलेल्या लेखी उत्तरात असे सांगण्यात आले की, रेल्वे लवकरच ज्येष्ठ नागरिकांची सवलत बहाल करु शकते.
रेल्वेने ज्येष्ठ नागरिकांना भाड्यात दिलेली सवलत कोविडमुळे थांबवण्यात आली होती. रेल्वेमंत्र्यांनी राज्यसभेत सांगितले की, भारतीय रेल्वेने 2019-20 मध्ये प्रवाशांच्या तिकिटांवर 59,837 कोटी रुपयांची सबसिडी दिली आहे.
त्यांनी असेही सांगितले की, 59,837 कोटी रुपयांची सबसिडी (Subsidy) प्रत्येक प्रवासी व्यक्तीसाठी सरासरी 53% सवलत आहे.
काही महिन्यांनंतर, संसदीय समितीने शिफारस केली की ज्येष्ठ नागरिकांसाठी रेल्वे तिकिटावरील सवलत पुनर्संचयित करावी. सवलतीबाबत सरकारची भूमिका काय, असा लेखी प्रश्न रेल्वेमंत्र्यांना विचारण्यात आला.
रेल्वेच्या स्थायी समितीने ज्येष्ठ नागरिकांना स्लीपर आणि एसी 3 मध्ये सवलत देण्याचा आढावा घेण्याचा आणि विचार करण्याचा सल्ला दिला आहे.
रेल्वेमंत्र्यांनी सांगितले की, 2019-20 मध्ये प्रवाशांच्या तिकिटांवर 59,837 कोटी रुपयांची सबसिडी देण्यात आली होती.
रेल्वेमध्ये प्रवास करणाऱ्या प्रत्येक व्यक्तीसाठी ही सरासरी 53% सवलत आहे. हे अनुदान सर्व प्रवाशांसाठी सुरु आहे. दिव्यांग, विद्यार्थी (Students), रुग्ण अशा अनेक श्रेणींसाठी या अनुदानाच्या रकमेतून अधिकाधिक सवलती सुरु असल्याचे त्यांनी सांगितले.
कोविड-19 महामारीचा प्रसार रोखण्यासाठी रेल्वेने 23 मार्च 2020 पासून सर्व प्रवासी गाड्यांचे संचालन बंद केले होते.
दुसरीकडे, संसदीय समितीच्या आवाहनावर रेल्वे मंत्रालयाने विचार केल्यास ज्येष्ठ नागरिकांसाठीची सूट पुन्हा बहाल केली जाऊ शकते.
तथापि, डिसेंबर 2022 मध्ये, रेल्वे मंत्री अश्विनी वैष्णव यांनी स्पष्ट केले की, तिकिट भाड्यात सवलत सध्या पुनर्संचयित केली जाऊ शकत नाही. यामागचे कारण सांगताना ते म्हणाले होते की, रेल्वेचे पेन्शन आणि पगाराचे बिल खूप जास्त आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.