Indian Railways Latest News: रेल्वेने प्रवास करणाऱ्यांसाठी एक आनंदाची बातमी आहे, रेल्वे प्रवाशांच्या सुविधा लक्षात घेऊन अनेक सुविधा उपलब्ध करुन देत आहे. आता तुम्ही जनरल तिकिटात स्लीपर कोचमध्ये प्रवास करु शकता आणि खास गोष्ट म्हणजे यासाठी तुम्हाला एकही अतिरिक्त शुल्क भरावा लागणार नाही.
देशभरात कडाक्याची थंडी पाहता भारतीय रेल्वेने (Indian Railways) आता जनरल तिकीट घेणारे प्रवासीही स्लीपर क्लासमध्ये प्रवास करु शकतील असा निर्णय घेतला आहे. वृद्ध आणि गरिबांना लक्षात घेऊन रेल्वेने हा निर्णय घेतला आहे. त्यामुळे या लोकांना प्रवास करणे सोपे होणार आहे.
ज्या गाड्यांचे स्लीपर कोच 80 टक्क्यांपेक्षा कमी प्रवासी आहेत, त्या सर्व गाड्यांचा तपशील मागवण्यात आल्याचे रेल्वे बोर्डाने सर्व विभागांच्या प्रशासनाला सांगितले आहे. प्रवाशांना (Passengers) प्रवास करताना कोणतीही अडचण येऊ नये यासाठी रेल्वे त्या सर्व स्लीपर कोचचे रुपांतर जनरलमध्ये करण्याचा विचार करत आहे.
हिवाळ्याच्या मोसमात अनेक प्रवासी स्लीपर कोचऐवजी एसी कोचने प्रवास करण्यास प्राधान्य देत आहेत, त्यामुळे स्लीपर कोचमध्ये प्रवासी कमी आहेत. यासोबतच रेल्वेने एसी डब्यांची संख्याही वाढवण्याचा निर्णय घेतला आहे.
हिवाळ्याच्या हंगामामुळे स्लीपर कोचमधील 80 टक्के जागा रिकाम्या राहिल्या आहेत. या पार्श्वभूमीवर रेल्वेने हा निर्णय घेतला आहे. त्याचवेळी, सामान्य तिकिटाने प्रवास करणार्‍यांच्या संख्येत लक्षणीय वाढ होत आहे. हे पाहता रेल्वेने स्लीपर कोचला जनरल कोचचा दर्जा देण्याचा निर्णय घेतला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.