दसरा दिवाळी (Diwali) अशा सणांचा हंगाम सुरू होताच भारतीय रेल्वेने (India Railway)अनेक नवीन गाड्या सुरू केल्या आहेत. भारतीय रेल्वे आजपासून 'फेस्टिवल स्पेशल ट्रेन' (Festival Special Train)सुरू करत आहे. दुर्गा पूजा, दसरा, दिवाळी आणि छठ पूजा या सणांमध्ये वाढत्या मागणीची पूर्तता करण्यासाठी 10 ऑक्टोबर ते 21 नोव्हेंबर पर्यंत प्रवाशांसाठी विशेष गाड्या उपलब्ध असणार आहेत. कोरोनाच्या (COVID-19) आधी भारतीय रेल्वे सणासुदीच्या काळात गर्दीचे व्यवस्थापन करण्यासाठी सुमारे 5,000 विशेष गाड्या चालवत असे. (Indian Railway announce 'Festival Special Train' Indian festival)
आजच्या घडीला भारत अजूनही कोरोनाच्या दुसऱ्या लाटेच्या टप्प्यातून जात आहे आणि अशातच रेल्वे प्रशासन कोणतीही जोखीम घेऊ इच्छित नाही. त्यामुळे अतिरिक्त विशेष गाड्या चालवण्याचा निर्णय घेतला आहे, परंतु अतिशय कमी ऑपरेटिंग क्षमतेवर. प्रवाशांच्या सोयीसाठी आणि प्रवासाची मागणी पूर्ण करण्यासाठी 'फेस्टिवल स्पेशल ट्रेन' च्या 5 जोड्यांचा प्रवास वाढवणार असल्याचे पश्चिम रेल्वेने शनिवारी सांगितले.
या गाड्यांमध्ये ओर्खा-एर्नाकुलम (द्वि-साप्ताहिक), ओखा-रामेश्वरम विशेष (साप्ताहिक), इंदूर-कोचुवेली विशेष (साप्ताहिक), मधुराई-बिकानेर विशेष (साप्ताहिक) आणि चेन्नई एगमोर-जोधपूर विशेष (साप्ताहिक) यांचा समावेश आहे. याशिवाय, पश्चिम रेल्वे 11 ऑक्टोबरपासून MEMU विशेष गाड्यांच्या आणखी सहा फेऱ्या चालवणार आहेत.
यासाठी लवकरच नियुक्त केलेल्या पीआरएस गणना आणि आयआरसीटीसी वेबसाइटवरून तिकिटांचे आरक्षण सुरू होणार असल्याची माहिती रेल्वे प्रशासनाकडून देण्यात अली आहे. सर्व सणांसाठी विशेष गाड्या भाड्याने पूर्णपणे आरक्षित गाड्या म्हणून धावतील. प्रवासी विशेष गाड्यांच्या थांबाची तपशीलवार वेळ जाणून घेण्यासाठी www.enquiry.indianrail.gov.in ला भेट देऊ शकतात.
याशिवाय, उत्तर रेल्वेने देखील दिल्लीपासून 8 फेस्टिव्हल स्पेशल ट्रेन सुरू केल्या आहेत. त्यापैकी प्रत्येकी एक अनुक्रमे भटिंडा, कटरा आणि चंदीगड येथील आहे. उत्तर रेल्वे उत्सव विशेष गाड्यांमध्ये आनंद विझार-मुजफ्फरपूर, नवी दिल्ली-दरभंगा, चंदीगड-गोरखपूर, नवी दिल्ली-बरौनी, भटिंडा-वाराणसी, नवी दिल्ली-श्री माता वैष्णो देवी कटरा, कटरा-वाराणसी, दिल्ली-वाराणसी, आनंद विहार-जयनगर , आनंद विहार-सहरसा आणि आनंद विहार-कटरा.
पूर्व रेल्वेने 9 ऑक्टोबरपासून दर शनिवारी सियालदाह-हरिद्वार पूजा विशेष ट्रेन चालवण्याची घोषणा केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
