India Post Recruitment: भारतीय पोस्ट खात्यात तरुणासाठी नोकरीची सुवर्ण संधी उपलब्ध जाली आहे. तब्बल 12828 पदांसाठी मेगाभरती करण्यात येत आहे.ग्रामीण डाक सेवक पदांसाठी भरती करण्यात येणार आहे. या पदासाठी फक्त दहावी पास असण्याची शैक्षणिक अट घालण्यात आली आहे. यासाठी 22 मे पासून अर्ज करण्याची प्रक्रिया सुरू झाली असुन अंतिम तारिख ही 11 जून आहे.
ग्रामीण डाक सेवक पदासाठी 22 मे पासून अर्ज करण्याची प्रक्रिया सुरू करण्यात आली आहे. तर 11 जून पर्यंत उमेदवारांना अर्ज करता येणार आहे.
दहावी पास असणाऱ्या उमेदवारांना या पदांसाठी अर्ज करता येणार आहे. उमेदवारांना 18 ते 40 वर्षांपर्यंतची वयोमर्यादेची अट ठेवण्यात आली आहे. दहावीच्या गुणांच्या आधारावर उमेदवारांची लिस्ट तयार करण्यात येणार असून त्यानंतर निवडीची पुढील प्रक्रिया सुरू करण्यात येणार आहे.
त्यानंतर निवड झालेल्या उमेदवारांची फायनल लिस्ट जारी करण्यात येणार आहे. पात्र उमेदवारांना https://indiapostgdsonline.gov.in/ या वेबसाईटवर अर्ज करता येणार आहे.
पोस्ट खात्यातील ग्रामीण डाक सेवक पदासाठी अर्ज करणाऱ्या उमेदवारांना 100 रुपये एवढे शूल्क भरावे लागणार आहे. त्यासाठी वेगवेगळ्या प्रवर्गांसाठी वेगवेगळं शूल्क भरावं लागणार आहे.
गेल्या वर्षीच पोस्ट खात्याने सात हजार ग्रामीण सेवक पदांची भरती केली होती. त्यानंतर आता या महिन्यातही 12 हजारांहून अधिक पदांवर भरती करण्यात येत असल्यामुळे बेरोजगार तरुणांना सरकारी नोकरी मिळवण्याची सुवर्णसंधी निर्माण झाली आहे.
त्यामुळे आता जास्तीत जास्त तरुणांनी पोस्ट खात्यातील नोकरीसाठी अर्ज करण्याचे आवाहन करण्यात आले आहे. याबाबत भारतीय पोस्ट खात्याकडून अधिकृत अधिसूचना जारी करण्यात आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
