Income Tax Slabs In Budget: केंद्रीय अर्थमंत्री निर्मला सीतारामन यांनी मोदी सरकारच्या वतीने 2023 चा अर्थसंकल्प सादर केला आहे.
यामध्ये एक नवीन घोषणा करत आयकरात सूट जाहीर करण्यात आली आहे. नवीन कर प्रणाली अंतर्गत, 7 लाख रुपयांपर्यंतच्या उत्पन्नावर सूट वाढवण्यात आली आहे.
म्हणजेच, या उत्पन्नापर्यंत कोणालाही कर भरावा लागणार नाही. दरम्यान, 1992 सालचा आयकर स्लॅब सोशल मीडियावर (Social Media) व्हायरल झाला आहे, ज्यामध्ये त्यावेळच्या उत्पन्नावर किती कर भरावा लागला हे दिसत आहे.
खरंतर, इंडियन हिस्ट्री पिक नावाच्या हँडलवरुन हा फोटो ट्विटरवर पोस्ट करण्यात आला आहे. 1992 च्या अर्थसंकल्पात नवीन आयकर स्लॅब असे कॅप्शन लिहिले आहे. 28000 हजार रुपयांवर कर नाही.
28001 हजार ते 50000 रुपयांवर 20 टक्के कर. 50001 ते 100000 रुपयांवर 30 टक्के कर आणि 1 लाख रुपयांपेक्षा जास्त उत्पन्नावर 40 टक्के आयकर.
हे चित्र त्यावेळचे आहे, जेव्हा 1992 मध्ये पंतप्रधान नरसिंह राव यांच्या सरकारमधील (Government) अर्थमंत्री मनमोहन सिंग यांनी टॅक्स स्लॅबचे तीन भाग केले होते. हा फोटो व्हायरल होताच लोकांच्या प्रतिक्रिया येऊ लागल्या आहेत.
अनेकजण आजच्या बजेटशी तुलना करु लागले. एका यूजरने लिहिले की, तीस वर्षांत जमीन-आसमानाचा फरक दिसून येतो.
येथे 2023 मध्ये, नवीन घोषणेनुसार, अर्थमंत्र्यांनी सांगितले आहे की, 7 लाख रुपयांपर्यंतच्या उत्पन्नावर कोणताही कर आकारला जाणार नाही.
जर ते 7 लाखांपेक्षा जास्त असेल तर तुम्हाला तीन लाख रुपयांपर्यंत कोणत्याही प्रकारचा कर भरावा लागणार नाही. 3 ते 6 लाखांपर्यंत तुम्हाला 5 टक्के कर भरावा लागेल आणि 6 ते 9 लाख रुपयांपर्यंत तुम्हाला 10 टक्के कर भरावा लागेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
