Bank Privatisation Latest News: बँकेच्या खाजगीकरणाबाबत आणखी एक मोठी बातमी समोर येत आहे. अर्थमंत्री निर्मला सीतारामन यांनी गेल्या वर्षी त्यांच्या अर्थसंकल्पात IDBI बँकेतील हिस्सा विकण्याची घोषणा केली होती. सध्या अर्थसंकल्पापूर्वी बँकांच्या खासगीकरणाच्या यादीची प्रक्रिया पूर्ण केली जाणार आहे. या बँकेसाठी अनेक कंपन्यांनी बोली लावली आहे.
सध्या, एमिरेट्स एनबीडी ही मध्य पूर्व बँकिंग कंपनी आणि अब्जाधीश प्रेम वत्स यांच्या नेतृत्वाखालील कॅनडाचा फेअरफॅक्स ग्रुप, आयडीबीआय बँकेतील सरकारचा हिस्सा खरेदी करण्यात मोठा रस दाखवत आहेत.
सूत्रांकडून मिळालेल्या माहितीनुसार, Emirates NBD आणि Fairfax ग्रुप या बँकेतील हिस्सा खरेदी करण्यासाठी या आठवड्यात एक्स्प्रेशन ऑफ इंटरेस्ट (EOI) सादर करु शकतात.
सूत्रांनी दिलेल्या माहितीनुसार, लक्झेंबर्गची प्रायव्हेट इक्विटी कंपनी सीव्हीसी कॅपिटल पार्टनर्स देखील या डीलमध्ये हिस्सा खरेदी करण्यासाठी पुढे येऊ शकतात. सध्या तरी याबाबत अधिकृत दुजोरा मिळालेला नाही. त्याचा EOI सादर करण्याबाबत कोणतीही माहिती प्राप्त झालेली नाही.
या बँकेत LIC आणि केंद्र सरकारची (Central Government) एकूण 94.71 टक्के हिस्सेदारी आहे, त्यापैकी सरकारची सुमारे 45 टक्के भागीदारी आहे. तर, उर्वरित भाग एलआयसीचा आहे. या खासगीकरणाच्या निर्णयानंतर सरकारकडे बँकेत फक्त 15 टक्के हिस्सेदारी राहणार आहे. मोदी सरकार आणि LIC मिळून IDBI बँकेतील 60.72 टक्के हिस्सा विकणार आहेत. या स्टेकमधील गुणोत्तराबद्दल बोलायचे झाल्यास सरकारचे प्रमाण 30.48 टक्के आणि एलआयसीचे स्टेक 30.24 टक्के असेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
