लोकप्रिय मॅसेजिंग प्लॅटफॉर्म व्हॉट्सअॅपचा (Whatsapp) चा वापर जगभरातील लाखो लोक चॅटिंग आणि मीडिया शेअरिंगसाठी करतात. व्हॉट्सअ‍ॅपवर एखादा फोटो शेअर केल्यावर त्याची क्वालिटी खराब होते आणि रिअल क्वालिटीमध्ये तो शेअर होत नसल्याची तक्रार वापरकर्त्यांनी केली आहे. यूजर्सच्या या तक्रारीची दखल घेत कंपनीने 'बेस्ट क्वालिटी' (Best Quality) मध्ये फोटो पाठवण्याचा पर्याय आणला आहे.
व्हॉट्सअॅप वापरकर्त्यांना अलीकडे समुदाय आणि इन-चॅट मतदान इत्यादींसह अनेक फिचर्स मिळाली आहेत. तसेच, आता 1,024 पर्यंत वापरकर्ते एका गटात सामील होऊ शकतात आणि 32 वापरकर्त्यांना ग्रुप व्हिडिओ कॉलचा भाग होण्याचा पर्याय दिला जात आहे.प्रदीर्घ प्रतिक्षेनंतर यूजर्सना फोटो अपलोड क्वालिटी बदलण्याचा पर्यायही देण्यात आला आहे.म्हणजेच, तुमचे फोटो कोणत्या गुणवत्तेत पाठवायचे हे तुम्ही निवडण्यास सक्षम असाल.
एक वेगळा फोटो अपलोड क्वालिटी सेक्शन
वापरकर्त्यांना सेटिंग्जमध्ये एक डेडिकेटेड फोटो अपलोड क्वालिटी विभाग दिला आहे. येथे वापरकर्ते त्यांच्या मित्रांना आणि संपर्कांना 'बेस्ट क्वालिटी' फोटो पाठवायचे आहेत की नाही हे निवडू शकतात. इथे दुसरा पर्याय 'डेटा सेव्हर' नावाने दिला आहे. जे डेटा सेव्हर निवडतात त्यांचे फोटो संकुचित केले जातील आणि अॅप चॅटिंग दरम्यान जास्त डेटा वापरणार नाही.
तिसरा पर्याय 'ऑटो' आहे, म्हणजेच नेटवर्कच्या क्वालिटिनुसार, फोटो उत्तम दर्जात पाठवायचा की नाही हे अॅप स्वतः ठरवेल. लक्षात ठेवा, 'बेस्ट क्वालिटी'मध्ये पाठवलेल्या फोटोंचा आकार अधिक असेल आणि ते अपलोड किंवा डाउनलोड करण्यासही जास्त वेळ लागेल.तुम्हाला फोटोच्या गुणवत्तेशी तडजोड करायची नसेल, तर आधी 'बेस्ट क्वालिटी' हा पर्याय निवडणे चांगले.
बेस्ट क्वालिटी फोटो या स्टेप करा फॉलो
1.व्हॉट्सअॅप उघडल्यानंतर, तीन डॉट्सवर टॅप करा आणि सेटिंग्जवर जा.
2.येथे तुम्हाला 'स्टोरेज आणि डेटा' वर टॅप करावे लागेल आणि स्क्रीनच्या तळाशी 'फोटो अपलोड क्वालिटी' पर्याय दिसेल.
3.फोटो अपलोड गुणवत्ता विभागात जाऊन, तुम्हाला 'बेस्ट क्वालिटी' निवडावी लागेल.डीफॉल्टनुसार हे सेटिंग स्वयं (शिफारस केलेले) वर सेट केले आहे.
जर तुमच्यासाठी मोबाईल डेटा किंवा इंटरनेट स्पीड (Internet Speed) ही समस्या नसेल तर उत्तम दर्जाची निवड करण्यात कोणतीही अडचण येणार नाही.हाय-स्पीड इंटरनेट किंवा वायफायच्या अनुपस्थितीत, फोटो पाठवण्यास अधिक वेळ लागेल आणि मोबाइल डेटा देखील 'डेटा सेव्हर' मोडपेक्षा जलद खर्च होईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
