Gmail ॲपच्या 'या' नवीन अपडेटमुळे तुमचे काम होईल सोप्पे! वाचा सविस्तर

Gmail New Update: आपल्या सर्वांकडे स्मार्टफोन आहेत आणि आपल्या सर्वांचे Gmail खाते देखील आहे. काम करणाऱ्या लोकांकडेही एकापेक्षा जास्त Gmail अकाऊंट असतात. दरम्यान, Google ने Gmail मोबाइल अॅपमध्ये एक महत्त्वपूर्ण अपडेट दिले आहे ज्यामुळे तुमचा बराच वेळ वाचणार आहे.

तसेच, या कामासाठी तुम्हाला यापुढे वेबवरील तुमच्या मेल आयडीवर लॉग इन करावे लागणार नाही. वास्तविक, Google ने Gmail मोबाईल अॅपमध्ये 'Select All' नावाचे फीचर जोडले आहे ज्याच्या मदतीने तुम्ही एकापेक्षा जास्त मेल निवडू शकता. या पर्यायाचा फायदा असा होईल की तुम्ही एकाच वेळी 50 मेल हटवू शकाल.

आत्तापर्यंत अॅपमध्ये असं होतं की तुम्हाला एक एक करून सर्व मेल्स सिलेक्ट करावे लागायचे. म्हणजे एकत्र डिलीट करण्याचा पर्याय नव्हता. हे काम करण्यासाठी, वापरकर्त्यांना त्यांच्या मेल आयडीने वेबवर लॉग इन करावे लागायचे. मात्र, आता अपडेटनंतर जीमेल यूजर्स हे काम मोबाईलवरून करू शकणार आहेत. जे लोक एकापेक्षा जास्त मेल चालवतात त्यांच्यासाठी हे अधिक फायदेशीर ठरेल आणि त्यांचा वेळही वाचेल.