Gautam Adani Net Worth: जगातील अव्वल अब्जाधीशांच्या यादीत गौतम अदानी यांनी पुन्हा एकदा शानदार पुनरागमन केले आहे. अदानी समूहाच्या शेअर्समध्ये सलग तीन दिवस मोठी वाढ पाहायला मिळाली, त्यामुळे अदानी यांच्या संपत्तीत मोठी वाढ होताना दिसत आहे. गेल्या 24 तासांत गौतम अदानी यांच्या संपत्तीत 9 अब्ज डॉलर्सपेक्षा जास्त वाढ झाली आहे.
फोर्बच्या रिअल टाईम बिलियनर्स इंडेक्समधून मिळालेल्या माहितीनुसार, गेल्या 24 तासांत गौतम अदानी (Gautam Adani) यांच्या संपत्तीत 77,000 कोटी रुपयांहून अधिक वाढ झाली आहे. मंगळवारी अदानी ग्रुपच्या शेअर्समध्ये मोठी वाढ पाहायला मिळाली, त्यानंतर अदानी ग्रुपच्या शेअर्समध्ये 18 ते 20 टक्क्यांनी वाढ झाली.
अदानी ग्रुपच्या (Adani Group) शेअर्समध्ये वाढ झाल्यानंतर अदानी पॉवर आणि अदानी ग्रीनसह 5 कंपन्यांचे शेअर्स अप्पर सर्किटला पोहोचले आहेत. त्याचवेळी, अदानी एंटरप्रायझेसच्या शेअर्समध्ये सुमारे 14 टक्के आणि अदानी विल्मारच्या शेअर्समध्ये सुमारे 10 टक्के वाढ झाली आहे. या तेजीनंतर अदानी समूहाचे मार्केट कॅप सुमारे 10 लाख कोटी रुपयांपर्यंत वाढले आहे.
अहवालानुसार, गेल्या वर्षी कमाईच्या बाबतीत ते श्रीमंतांच्या यादीत आघाडीवर राहिले. यासोबतच मंगळवारचा दिवस अदानींसाठी चांगला फलदायी ठरला. पुन्हा एकदा त्यांनी श्रीमंतांच्या यादीत शानदार पुनरागमन केले. जर त्यांच्या एक दिवसाच्या कमाईबद्दल बोलायचे झाल्यास अदानींनी सर्वांना मागे टाकले आहे.
गेल्या 24 तासांत गौतम अदानी यांच्या संपत्तीत 9.3 अब्ज डॉलरची वाढ झाली आहे. याशिवाय, एलन मस्क यांच्या संपत्तीत $5.7 अब्ज, बर्नार्ड अर्नॉल्ट यांच्या संपत्तीत $5.8 अब्ज, लॅरी पेज यांच्या संपत्तीत $1.9 अब्ज, सर्जे ब्रिन यांच्या संपत्तीत $1.8 अब्जची वाढ झाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.