Expectations From Union Budget 2023: अर्थसंकल्प मांडण्यास अवघे काही दिवस उरले आहेत. केंद्र सरकारकडून यावेळच्या अर्थसंकल्पाची तयारी सुरु आहे. बाजार तज्ज्ञांच्या मते, यावेळी सरकार करापासून ते कृषी रसायनांपर्यंत अनेक क्षेत्रांसाठी मोठ्या घोषणा करु शकते. यासोबतच ज्यांना अद्याप घरे मिळालेली नाहीत, त्यांना घरे देण्यासाठी सरकारकडून विशेष योजना आखण्यात येत आहे. संशोधन विश्लेषक गौरव शर्मा यांनी सांगितले की, सरकार या अर्थसंकल्पात कोणत्या विशेष घोषणा करु शकते-
संशोधन विश्लेषक गौरव शर्मा यांच्या मते, सरकारने आर्थिक वाढीवर लक्ष केंद्रित करावे. त्याचबरोबर महागाई नियंत्रणात ठेवण्यासाठी विशेष योजनाही बनवावी. यासोबतच ग्राहक जास्तीत जास्त संख्येने सहभागी कसे होतील याकडेही सरकारने लक्ष द्यावे. दुसरीकडे, तज्ज्ञांना आशा आहे की सरकारच्या (Government) या पावलामुळे ग्राहकांच्या खिशात अधिक पैसा येऊ शकेल, ज्याचा वापर ते गुंतवणूक वाढवण्यासाठी करु शकतील.
जास्त कर भरणाऱ्या ग्राहकांना (Customers) दिलासा मिळू शकेल, अशी आशा करदात्यांना आहे. यासोबतच टॅक्स स्लॅबमध्ये बदल करुन उच्च उत्पन्न मिळवणाऱ्यांना दिलासा मिळण्याची अपेक्षा आहे. यासोबतच, सरकारने लिंक्ड इन्सेंटिव्ह योजनांची निर्मिती आधीच जाहीर केली आहे, ज्यामुळे सेमी-कंडक्टरसारख्या उद्योगांमध्ये गुंतलेल्या लोकांना फायदा होईल.
सर्व रहिवाशांना घरे देण्यावर सरकारचा भर आहे. सध्या सुरु असलेल्या सरकारी योजनांव्यतिरिक्त या अर्थसंकल्पात अनेक नवीन घोषणा होऊ शकतात. यासोबत पाईप, केबल अशा अनेक क्षेत्रातील उद्योगांना गती मिळू शकते.
यासोबतच, कृषी रसायन क्षेत्रातही वसुली होताना दिसत आहे. या क्षेत्रासाठीही अनेक सकारात्मक बातम्या किंवा घोषणा होऊ शकतात, अशी तज्ज्ञांची अपेक्षा आहे. ग्रामीण मागणी आणि कृषी रसायन क्षेत्रातही सुधारणा दिसून येऊ लागली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.