Education Budget 2023: अर्थमंत्री निर्मला सीतारामन यांनी अर्थसंकल्पात आदिवासी आणि मागासवर्गीयांच्या कल्याणासाठी मोठ्या घोषणा करुन या वर्गाची विशेष काळजी घेतली आहे. आदिवासी शाळांमध्ये 38 हजारांहून अधिक भरती करण्यात येणार असल्याचे अर्थमंत्र्यांनी अर्थसंकल्पादरम्यान केलेल्या घोषणेत सांगितले.
यासोबतच आदिवासी विद्यार्थ्यांसाठी 740 एकलव्य शाळाही उघडण्यात येणार आहेत. त्यामुळे आदिवासी भागातील शिक्षणावर अधिक भर दिला जाणार असून शिक्षणाची व्याप्तीही वाढणार आहे.
2023-24 च्या सर्वसाधारण अर्थसंकल्पात (Budget) आर्थिक साक्षरतेला चालना देण्यावरही भर देण्यात आला आहे. संसदेत अर्थसंकल्प सादर करताना, अर्थमंत्री निर्मला सीतारामन यांनी आदिवासी मिशनसाठी 3 वर्षांमध्ये 15,000 कोटी रुपयांची तरतूद करण्याची घोषणा केली.
अर्थमंत्री सीतारामन यांनी आदिवासी विद्यार्थ्यांसाठी (Students) 740 एकलव्य मॉडेल निवासी शाळा सुरु करण्याची घोषणाही केली आहे. या शाळांमध्ये 38,800 शिक्षकांची भरती करण्यात येणार आहे. अर्थमंत्री निर्मला सीतारामन यांनी पाचवा अर्थसंकल्प सादर करताना याची घोषणा केली आहे.
तसेच, पीएमपीबीटीजी विकास अभियान चालू आर्थिक वर्षात 7 टक्के आहे, तर 2023-24 मध्ये 6 ते 6.8 टक्के वाढीचा अंदाज आहे. अर्थसंकल्प सादर करताना, अर्थमंत्री म्हणाल्या की, पीएमबीपीटीजी विकास अभियान विशेषत: आदिवासी गटांची सामाजिक-आर्थिक स्थिती सुधारण्यासाठी सुरु केले जाईल. पुढील 3 वर्षांत ही योजना लागू करण्यासाठी 15,000 कोटी रुपये उपलब्ध करुन दिले जातील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
