Republic Day: 26 जानेवारी 2023 रोजी प्रजासत्ताक दिनाचे साक्षीदार होण्यासाठी कर्तव्य पथावर जाणाऱ्या लोकांना मोफत प्रवासाची सुविधा देण्यासाठी दिल्ली मेट्रो कूपन देणार आहे. ई-निमंत्रण कार्ड किंवा ई-तिकीटधारकांना कूपन दिले जातील.
दरम्यान, दिल्ली (Delhi) मेट्रोच्या कोणत्याही स्थानकावरुन तुम्ही कूपन मिळू शकता. गुरुवारी सकाळी 04:30 ते 08:00 दरम्यान प्रवासासाठी तिकीट किंवा कूपन जारी केले जातील. मात्र, या कूपनद्वारे तुम्ही दुपारी 02:00 वाजेपर्यंत मेट्रो स्टेशनमधून बाहेर पडू शकाल.
प्रजासत्ताक दिनाच्या सोहळ्याला उपस्थित राहणाऱ्या लोकांना केंद्रीय सचिवालय किंवा उद्योग भवन किंवा मंडी हाऊस मेट्रो स्टेशनमधूनच बाहेर पडावे लागेल. एका निवेदनात, मेट्रो अधिकार्‍यांनी लोकांना सरकारने (Government) जारी केलेले फोटो ओळखपत्र घेऊन जाण्यास सांगितले आहे.
तसेच, संभाव्य अतिरिक्त गर्दी लक्षात घेता दिल्ली मेट्रो रेल कॉर्पोरेशन (DMRC) तिन्ही स्थानकांवर अतिरिक्त कर्मचारी (Employees) तैनात करेल. संरक्षण मंत्रालयाने पाहुण्यांना प्रत्यक्ष निमंत्रण पत्रिकेऐवजी ई-निमंत्रण पाठवले आहे. मंत्रालयाने एक समर्पित वेब पोर्टल - aamantran.mod.gov.in - प्रजासत्ताक दिन परेड आणि बीटिंग रिट्रीट समारंभ (फुल ड्रेस रिहर्सल) या दोन्हींसाठी तिकीट विक्री देखील सुरु आहे.
शिवाय, तिकिटे ऑनलाइन आणि ऑफलाइन खरेदी करता येतात. तुम्ही aamantran.mod.gov.in वर जाऊन थेट तिकीट खरेदी करु शकता.
याशिवाय, मूळ फोटो ओळखपत्राच्या निर्मितीवर समर्पित बूथ किंवा काउंटरवरुन तिकिटे खरेदी केली जाऊ शकतात. पाच वर्षांखालील मुलांना परवानगी नाही. प्रजासत्ताक दिनाच्या परेडसाठी 20 रुपयांपासून 500 रुपयांपर्यंत, तर बीटिंग रिट्रीटसाठी (28 जानेवारी 2023) तिकिटांची किंमत 20 रुपये असेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
