Crisil: भारतीय कंपन्यांना बसू शकतो झटका, तिसऱ्या तिमाहीच्या नफ्यात मोठी घट?

Crisil Report: सलग तिसऱ्या तिमाहीत (एप्रिल-जून- 2022) भारतीय कंपन्यांच्या नफ्यात घट होण्याची शक्यता आहे. क्रिसिल रेटिंगच्या एका युनिटने सोमवारी ही माहिती दिली. वित्तीय सेवा, तेल आणि वायू क्षेत्र वगळता 300 कंपन्यांचे विश्लेषण केल्यानंतर क्रिसिल रिसर्चने हा निष्कर्ष काढला आहे.

2-3 टक्के घसरण होऊ शकते

एजन्सीने म्हटले आहे की, जून तिमाहीसाठी ऑपरेटिंग प्रॉफिट मार्जिन वर्ष-दर-वर्ष आधारावर 2-3 टक्क्यांनी कमी होऊ शकतो. या कालावधीत 47 पैकी निम्म्या क्षेत्रांमध्ये मार्जिन घसरण्याची शक्यता आहे.

वार्षिक आधारावर 30 टक्के वाढ होईल

अहवालात असे म्हटले आहे की, चालू आर्थिक वर्षाच्या पहिल्या तिमाहीत कंपन्यांच्या महसुलात (Revenue) वार्षिक 30 टक्क्यांनी वाढ अपेक्षित आहे.

तिमाही निकालांवर परिणाम

समीक्षाधीन तिमाहीत, भू-राजकीय तणाव आणि भारतीय रुपयाचे विक्रमी अवमूल्यन यामुळे प्रतिकूल परिस्थितीचा सामना करावा लागला आहे. याचा परिणाम तिमाही निकालांवर झाला आहे.

ऑपरेटिंग प्रॉफिट मार्जिनमधील सर्वात मोठी घसरण

एजन्सीने म्हटले आहे की 'बांधकाम-संबंधित क्षेत्रांमध्ये ऑपरेटिंग प्रॉफिटचे मार्जिन सर्वात जास्त 9.90 टक्क्यांनी कमी होण्याची शक्यता आहे. यानंतर, गुंतवणुकीशी (Investment) संबंधित विभाग 2.60 टक्क्यांहून अधिक कमी होऊ शकतो. दुसरीकडे, ग्राहक विवेकाधीन सेवा आणि उत्पादनांसाठी ऑपरेटिंग प्रॉफिट मार्जिन तीन टक्क्यांपर्यंत वाढण्याची शक्यता आहे. हे प्रामुख्याने सेवांच्या चांगल्या कामगिरीमुळे आहे. याशिवाय टेलिकॉम आणि मीडिया आणि एंटरटेनमेंट (Entertainment) सेगमेंटची कामगिरीही चांगली असेल.'