E-Auto: केंद्राच्या वायु गुणवत्ता आयोगाने उत्तर प्रदेश, हरियाणा, राजस्थानला 2026 च्या अखेरीस डिझेल ऑटो बंद करण्यास सांगितले आहे. या आदेशानंतर एनसीआरच्या रस्त्यांवरुन डिझेल वाहने हटवण्यात येणार आहेत. वायु गुणवत्ता आयोगाने या राज्यांना 1 जानेवारी 2023 पासून फक्त ई-ऑटोची नोंदणी करण्यास सांगितले आहे. सरकारची योजना अशी आहे की, जानेवारी 2027 पासून एनसीआरमध्ये फक्त ई-ऑटो चालतील.
काय म्हटले होते आदेशात?
बुधवारी जारी केलेल्या आदेशात, वायु गुणवत्ता व्यवस्थापन आयोगाने म्हटले की, 1 जानेवारी 2027 पासून एनसीआरमध्ये फक्त सीएनजी आणि ई-ऑटो चालवण्याचे लक्ष्य ठेवण्यात आले आहे. आयोगाने तीन राज्यांना 1 जानेवारीपासून एनसीआरमध्ये फक्त सीएनजी (CNG) आणि ई-ऑटोची नोंदणी सुनिश्चित करण्याचे निर्देश दिले आणि 2026 च्या अखेरीस डिझेल ऑटो बंद करण्याचे निर्देश दिले.
दुसरीकडे, एनसीआरमध्ये दिल्ली, हरियाणाचे 14 जिल्हे, उत्तर प्रदेशचे आठ जिल्हे आणि राजस्थानचे दोन जिल्हे समाविष्ट आहेत. दिल्लीत (Delhi) 1998 मध्ये डिझेल ऑटो रिक्षा सीएनजीमध्ये रुपांतरित करण्याचा कार्यक्रम सुरु करण्यात आला. सध्या दिल्लीत डिझेलवर चालणाऱ्या वाहनांची नोंदणी झालेली नाही. दिल्ली परिवहन विभागाने गेल्या वर्षी ऑक्टोबरमध्ये 4,261 ई-ऑटोच्या नोंदणीसाठी एक योजना सुरु केली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
