Pension Rules Changed: सरकारी कर्मचाऱ्यांसाठी एक मोठी बातमी आहे. केंद्र सरकारने पेन्शन नियमांमध्ये मोठा बदल केला असून, त्याचा परिणाम सर्व प्रकारच्या केंद्र आणि राज्य सरकारी कर्मचाऱ्यांवर होणार आहे. सरकारने जारी केलेले नवीन नियम 1 जानेवारी 2023 पासून लागू होतील. कोणत्या नियमांमध्ये बदल करण्याचा निर्णय घेण्यात आला आहे, ते जाणून घ्या...
1 जानेवारी 2023 पासून सरकारी कर्मचार्‍यांना (Employees) त्यांच्या संबंधित नोडल कार्यालयांमार्फतच निधीतून आंशिक पैसे काढण्याची विनंती करावी लागेल. पेन्शन फंड रेग्युलेटरी अँड डेव्हलपमेंट अथॉरिटी (PFRDA) ने कोरोना महामारी दरम्यान नियम शिथिल केले होते, ज्या अंतर्गत NPS अंतर्गत स्वयंचलित घोषणा करण्याची परवानगी होती.
अधिकृत माहितीनुसार, कोरोना महामारीच्या (Corona Epidemic) वेळी लोकांच्या सुविधा लक्षात घेऊन नियम शिथिल करण्यात आले होते, परंतु आता परिस्थिती सामान्य होत असल्याने सरकारी क्षेत्रातील संबंधितांनी त्यांच्या विनंती अर्ज पाठवण्याचा निर्णय घेण्यात आला आहे.
सध्या देशात नव्या पेन्शन प्रणालीबाबत जोरदार विरोध सुरु आहे. राज्यांचे कर्मचारी जुनी पेन्शन बहाल करण्याची मागणी करत आहेत. विशेष म्हणजे, अनेक राज्यांतील केंद्रीय कर्मचाऱ्यांचे स्वतःचे भवितव्य या योजनेत सुरक्षित नसल्याचे मत आहे. सन 2004 मध्ये केंद्र सरकारने जुनी पेन्शन योजना रद्द करुन त्याऐवजी राष्ट्रीय पेन्शन प्रणाली सुरु केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
