Business World Latest Update: भारतीय अब्जाधीश उद्योगपती गौतम अदानी यांनी पुन्हा एकदा जगातील टॉप-20 श्रीमंतामध्ये आपले स्थान निर्माण केले आहे. अदानी समूहाच्या मालकीच्या कंपन्यांचे एकत्रित बाजार भांडवल 1.33 लाख कोटी रुपयांनी वाढले आहे. त्याचवेळी, अदानी आता ब्लूमबर्ग अब्जाधीश निर्देशांकात 19 व्या स्थानावर आहेत. ब्लूमबर्गच्या अहवालानुसार, त्यांच्या एकूण संपत्तीत $6.5 अब्जची वाढ झाली आहे.
खरेतर, बाजार नियामक सिक्युरिटीज अँड एक्स्चेंज बोर्ड ऑफ इंडिया (सेबी) ने समूहाविरुद्ध केलेल्या तपासावर सर्वोच्च न्यायालयाच्या टिप्पणीनंतर, अदानी समूहाच्या सर्व 10 शेअर्समध्ये मोठी वाढ पाहायला मिळाली आहे, ज्यामुळे शेअर्समध्ये गुंतवणूकदारांची रुची वाढली आहे. दरम्यान, बुधवारी सर्व अदानी शेअर्स एकत्रित बाजार भांडवल 33,000 कोटी रुपयांनी वाढून 11.6 लाख कोटी रुपयांवर पोहोचले आहे.
दरम्यान, भारतीय श्रीमंतांच्या यादीत मुकेश अंबानींनंतर अदानी दुसऱ्या क्रमांकावर आहे. जानेवारीत हिंडेनबर्ग रिसर्च अहवाल अल्यानंतर त्यांच्या रँकिंगमध्ये 25 अंकांची घसरण झाली होती. त्याचवेळी, शुक्रवारी, 24 नोव्हेंबर रोजी सर्वोच्च न्यायालयाने म्हटले होते की, समूहाविरुद्ध बाजार नियामक सिक्युरिटीज अँड एक्सचेंज बोर्ड ऑफ इंडिया (सेबी) च्या तपासाला बदनाम करण्याचे कोणतेही कारण नाही. दरम्यान, न्यायालयाने अदानी-हिंडेनबर्ग वादाशी संबंधित याचिकांवरील निर्णय राखून ठेवला होता.
न्यायालयाने पुढे म्हटले होते की, सेबीने काय केले यावर शंका घेण्याचा कोणताही पुरावा त्यांच्यासमोर नव्हता आणि न्यायालयाने हिंडनबर्ग अहवालात जे म्हटले आहे ते सत्य म्हणून घेण्याची गरज नाही. न्यायालयाने पुढे असेही म्हटले की, ते कोणत्याही वैधानिक नियामकाला माध्यमांमध्ये प्रकाशित होणारी कोणतीही गोष्ट दैवी सत्य म्हणून स्वीकारण्यास सांगू शकत नाही.
यादरम्यान, मुख्य न्यायमूर्ती डीवाय चंद्रचूड यांच्या नेतृत्वाखालील खंडपीठाने शेअर बाजारातील अस्थिरता किंवा कमी विक्रीमुळे गुंतवणूकदारांचे पैसे गमावू नयेत यासाठी भविष्यात काय करायचे आहे, अशी विचारणाही सेबीकडे केली. कोणत्याही पुराव्याशिवाय विशेष तपास पथक (एसआयटी) स्थापन करण्यात आले, असा निर्णय घेणे योग्य होणार नाही, असेही न्यायालयाने म्हटले आहे. ब्लूमबर्ग अब्जाधीश निर्देशांक जगातील 500 श्रीमंत लोकांची एकूण संपत्ती दर्शवतो. या यादीतील पहिल्या तीन स्थानांवर एलन मस्क ($228 अब्ज), जेफ बेझोस ($177 अब्ज) आणि बर्नार्ड अर्नॉल्ट ($167B) आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.