Mahindra Thar 5-Door: थार बद्दल मोठे अपडेट, 'हे' आहेत बदल

महिंद्रा ब्रँडने आपल्या ग्राहकांसाठी खुष खबर आणली आहे. SUV निर्माता ब्रँड महिंद्रा लवकरच आपल्या थार एसयूव्हीची 5 डोअर वर्जन बाजारात आणणार आहे. ही एसयूव्ही रोड टेस्टिंग दरम्यान अनेक वेळा स्पॉट झाली आहे.

थार 5 डोअरच्या बाह्य, आतील आणि बसण्याच्या लेआउटचे तपशील आधीच समोर आले होते. आता एका नवीन अहवालात त्याच्या इंजिन पर्यायांबद्दल महत्त्वाची माहिती समोर आली आहे. असे मानले जाते की थारच्या 3 डोअर वर्जनप्रमाणे, कंपनी 4×4 आणि 4×2 सेटअपसह आणणार आहे.

Autocar India च्या रिपोर्टनुसार, महिंद्रा या SUV मध्ये पेट्रोल आणि डिझेल इंजिन पर्याय ऑफर करणार आहे आणि सध्याच्या थार प्रमाणे यात 2.2 लीटर डिझेल आणि 2.0 लीटर टर्बो पेट्रोल इंजिन पर्याय दिले जाण्याची अपेक्षा आहे. यामध्ये ग्राहकांना मॅन्युअल आणि ऑटोमॅटिक दोन्ही गिअरबॉक्सचा पर्याय मिळेल.

बाह्यभाग:-

बाह्य भागाबद्दल सांगायचे झाल्यास तो सध्याच्या थारपेक्षा 300 मिमी लांब असणे अपेक्षित आहे आणि त्यात सर्व-नवीन बॉडी पॅनेल वापरण्याची शक्यता आहे. आतील भागात एकूणच डिझाइनमध्ये फारसा बदल होणार नाही. यात उत्तम इन्फोटेनमेंट स्क्रीन, फ्रंट सेंटर आर्मरेस्ट आणि सनग्लास होल्डर यासारखी नवीन वैशिष्ट्ये मिळतील.

अधिक जागा :-

लांब व्हीलबेसमुळे थार 5-दाराला दुसऱ्या रांगेत अधिक जागा मिळणार आहे. पण महिंद्र 3 सीटर बेंच लेआउट ऑफर करेल की नाही हे पाहणे बाकी आहे. बूट स्पेस देखील 3-दरवाज्याच्या आवृत्तीपेक्षा नक्कीच मोठी असणार आहे कारण या मॉडेलमध्ये व्हीलबेस जास्त असेल.