विजय मल्ल्याने(Vijay Mallya) स्थापन केलेल्या दिवाळखोर विमान कंपनीचे (Kingfisher) पूर्वी असेलेले मुख्यालय एका खाजगी कंपनीला 52 कोटी रुपयांना विकले गेले आहे.अनेक वर्षांपासून अनेक लिलाव आयोजित करूनही या इमारतीला योग्य किंमत मिळत नसल्याने या फिक्स किमतीला त्याची विक्री करण्यात आले असल्याचं स्पष्टीकरण देण्यात आले आहे. या अगोदरचे जवळपास या इमारतीच्या विक्रीचे 11 लिलाव फसले होते. (Big blow to Vijay Mallya kingfisher office sold for 52 crore)
रिअल इस्टेट उद्योगाच्या तज्ञांच्या मते, बँकांनी मूळतः अवास्तव राखीव किंमत निश्चित केली होती कारण या मालमत्तेला अनेक मर्यादा होत्या. त्यातच हि इमारत मुंबई विमानतळाच्या बाहेरील भागात असल्याने ती मालमत्ता विकसित करण्यास फारसा वाव नाही.इमारतीमध्ये तळघर, तळमजला, वरचा तळमजला आणि वरचा मजला, एकूण 1,586 चौरस मीटरचा समावेश असून या इमारतीची एकूण जागा 2,402 चौरस मीटर इतकी आहे.
यापूर्वी कर्जाची रकम वसूल करण्यासाठी ईडीने जुलै महिन्यात भारतीय स्टेट बँकच्या नेतृत्वाखालील याच प्रकरणी किंगफिशर एअरलाइन्सचे शेअर्स विकून 792.11 कोटी रुपये वसूल केले होते. देश सोडून पळून गेलेल्या मद्य व्यवसायी विजय माल्याने देशातील 13 बँकांची 9,432 कोटी रुपयांची फसवणूक केली असल्याने त्याला फरार घोषित केले आहे.
यामध्ये सर्वात जास्त कर्ज SBI बँकेने दिले असून ती रक्कम 1600 कोटी इतकी आहे . त्यानंतर पीएनबी बँक 800 कोटी, आयडीबीआय बँक 650 कोटी आणि त्यांनतर बँक ऑफ बडोदाचा नंबर लागतो. मल्ल्या सध्या लंडनमध्ये राहतो आणि सरकार त्याच्या प्रत्यार्पणासाठी प्रयत्न करत आहे. लंडनच्या न्यायालयात हे प्रकरण सुरू असून काही दिवसांपूर्वीच लंडन कोर्टाने त्याला दिवाळखोर घोषित केले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
