रिझव्‍‌र्ह बँक इंडिया (RBI) ने रेपो दरात 40 बेसिस पॉईंट वाढ केल्याची घोषणा केल्यानंतर तीन दिवसांनी, HDFC ने शनिवारी रिटेल प्राइम लेंडिंग रेट (RPLR) 30 बेसिस पॉईंटने वाढवण्याची देखील घोषणा केली, ज्यामुळे ग्राहकांसाठी गृहकर्ज महाग बनले. ही दरवाढ 9 मे पासून लागू होणार आहे. (Big blow to consumers HDFC raises interest rates)
सर्व ग्राहकांना त्यांच्या दरांमध्ये 30 बेसिस पॉइंट्सने वाढ झालेली दिसणार आहे. या बदलामुळे नवीन ग्राहकांच्या दरमध्येही वाढ होणार आहे. बेंचमार्क कर्ज दरात 5 बेस पॉइंट्सने वाढ केली होती, ज्यामुळे कर्जदारांसाठी मासिक हप्त्यांमध्ये वाढ झाली आहे. वाढती चलनवाढ रोखण्यासाठी रिझव्‍‌र्ह बँकेने आता चलनविषयक धोरण मागे घेण्याचे संकेत दिल्याने व्याजदरात वाढ होणार आहे.
SBI ने गेल्या महिन्यात MCLR 10 बेसिस पॉइंट्स (bps) ने वाढवून 7.1 टक्के केला होता. तो आता HDFC बँक, पंजाब नॅशनल बँक (PNB) आणि ICICI बँकेच्या 7.25 टक्क्यांपेक्षा कमी आहे. बँक ऑफ बडोदा, अॅक्सिस बँक आणि कोटक महिंद्रा बँकेने कार्यकाळात प्रत्येकी 5 bps ने त्यांचे MCLR वाढवले आहेत. इतर सार्वजनिक क्षेत्रातील आणि खाजगी बँका येत्या काही दिवसात MCLR वाढवणार असल्याचे सांगण्यात आले आहे. RBI ने 1 एप्रिल 2016 पासून स्थापन केलेला MCLR हा बँक किंवा सावकार देऊ शकणारा सर्वात कमी व्याजदर आहे. ते ऑक्टोबर 2019 पूर्वी घेतलेल्या नवीन कॉर्पोरेट कर्ज आणि फ्लोटिंग रेट कर्जांना लागू करण्यात येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
