देशातील या बड्या बँकांचे लोन झाले स्वस्त, सर्व सामन्यांना दिलासा

आता सामन्यांना दिलासा देण्यासाठी सार्वजनिक क्षेत्रातील बँक ऑफ बडोदानेही (BOB) कर्ज (Loan)स्वस्त केले आहे. बँक ऑफ बडोदा ही आता कॅनरा बँक(Canara Bank), एचडीएफसी बँक (HDFC Bank) आणि डीसीबी बँकेनंतर (DCB Bank) अशी करणारी चौथी बँक बनली आहे. बँक ऑफ बडोदाने सांगितले की बँकेच्या गृहकर्जावरील व्याज दर 0.25 टक्क्यांनी कमी करून 6.75 टक्क्यांवरून 6.50 टक्क्यांवर आणले आहे.(Banking Loan revised by many banks)

बँकेने एका प्रसिद्धीपत्रकात म्हटले आहे की, नवीन दर ग्राहकांना 31 डिसेंबर 2021 पर्यंत उपलब्ध असेल. जे ग्राहक नवीन कर्जासाठी अर्ज करत आहेत, कर्जाचे हस्तांतरण करत आहेत किंवा विद्यमान कर्जाची परतफेड करण्यासाठी कर्ज घेऊ इच्छितात त्यांना हा दर दिला जाणार असल्याचे देखील बँकेने सांगितले आहे .

याआधी, कॅनरा बँकेने आपल्या मार्जिनल कॉस्ट ऑफ फंड बेस्ड लेंडिंग रेट (MCLR) मध्ये 0.15 टक्क्यांपर्यंत कपात करण्याची घोषणा केली होती. बँकेने शेअर बाजारांना पाठवलेल्या माहितीमध्ये ही माहिती दिली आहे . बँकेने एक वर्षाचा MCLR दर 0.10 टक्क्यांनी कमी करून 7.25 टक्के केला आहे. नवीन दर 7 ऑक्टोबरपासून लागू करण्यात आला आहे. दरम्यान, डीसीबी बँकेने विविध कालावधीसाठी एमसीएलआर दरात 0.05 टक्के कपात करण्याची घोषणा केली आहे.

तर दुसरीकडे एचडीएफसी बँकेने फेस्टिव्ह ट्रीट्स 3.0 मोहिमेची घोषणा केली ज्या अंतर्गत बँक कार्ड, कर्ज आणि सुलभ ईएमआयवर 10,000 हून अधिक ऑफर देईल. बँकेने म्हटले आहे की त्याने 100 पेक्षा जास्त ठिकाणी 10,000 पेक्षा जास्त व्यापाऱ्यांसोबत भागीदारी केली आहे जेणेकरून आपल्या ग्राहकांना त्यांच्या वैयक्तिक आणि व्यावसायिक गरजांसाठी विशेषतः तयार केलेल्या सौद्यांचा लाभ घेण्याची संधी मिळेल.