आधीच भाववाढीशी झगडणाऱ्या ग्राहकांना आता त्यांच्या घरगुती बजेटमध्येही औषधाच्या चढणाऱ्या किंमती विचारात घ्याव्या लागणार आहेत. खरंतर उद्यापासून म्हणजेच 1 एप्रिलपासून अनेक जीवनावश्यक औषधांच्या किंमती वाढणार आहेत. (At the cost of medicines Increase by 10 percent)
वार्षिक घाऊक किंमत निर्देशांकातील (WPI) बदलांच्या अनुषंगाने सरकारने औषध कंपन्यांना वाढ करण्यास परवानगी दिल्याने पेनकिलर, अँटी इन्फेक्टीव्हज, कार्डियाक आणि अँटिबायोटिक्स आदी आवश्यक औषधे 1 एप्रिलपासून त्यांचा दर वाढणार आहे. नॅशनल फार्मा प्राइसिंग अॅथॉरिटीने (NPP) 800 हून अधिक जीवनावश्यक औषधांच्या किंमतीत सुमारे 11 टक्के वाढ जाहीर केली गेली आहे.
कोणत्या औषधांची किंमत मोजावी लागणार?
ज्या औषधांच्या किंमती वाढवल्या आहेत, त्यांची गणना आवश्यक औषधांच्या श्रेणीत केली जाते आणि ती राष्ट्रीय आवश्यक औषध सूचीत (NLEM) येतात. सर्दी-खोकल्याची औषधे, दाहक-विरोधी औषधे, कान-नाक व घसा औषधे, अँटीसेप्टिक्स, पेन किलर, गॅस औषधे आणि अँटीफंगल यांसारखे औषधांवरील कर वाढणार आहे. 800 हून अधिक औषधे आहेत त्यांवरील कर महागणार आहे. आता 1 एप्रिलपासून या औषधांच्या किमती 10.76 टक्क्यांनी वाढणार आहेत.
तापासाठी सर्वाधिक वापरला जाणारा पॅरासिटामॉलही (paracetamol) महागणार, यासोबतचं अॅझिथ्रोमायसिन, फॉलिक अॅसिडसारखी अॅनिमियाविरोधी प्री-अपप्रेशन, बॅक्टेरियल इन्फेक्शनच्या उपचारात वापरली जाणारी जीवनसत्त्वे आणि खनिजे यांचाही समावेश असणार आहे, ज्यांच्याही किंमत वाढणार आहेत.
औषधांच्या किंमती वाढण्यामागे घाऊक महागाई हे प्रमुख कारण सांगितले जाते आहे. आकडेवारीनुसार, घाऊक महागाईवर आधारित घाऊक किंमत निर्देशांक (WPI) 2021 मध्ये एक वर्षापूर्वीच्या तुलनेत 10.76 टक्क्यांनी बदलला आहे.
ऐतिहासिकदृष्ट्या, डब्ल्यूपीआयमधील वार्षिक बदलांमुळे किंमतींमध्ये होणारी वाढ गेल्या काही वर्षांत माफक प्रमाणात आहे, 1-2% च्या श्रेणीत. 2019 साठी, एनपीपीएने औषध कंपन्यांना सुमारे 2% किंमती वाढविण्याची परवानगी दिली होती, तर 2020 मध्ये वार्षिक डब्ल्यूपीआयमध्ये झालेल्या बदलानुसार किंमती 0.5% ने महागल्या होत्या. पण या किंमतींमध्ये 10 टक्के वाढ होण्याची ही पहिलीच वेळ.
रुग्णांच्या खिशावर होणार परिणाम
किंमतींमध्ये होणारी भरमसाठ वाढ तार्किकदृष्ट्या योग्य ठरत असली तरी, त्यामुळे लोकांना होणाऱ्या अनेक निर्माण होऊ शकतात.
औषध उद्योगासाठी खुशखबर
अनेक कारणांमुळे उत्पादन खर्चात वाढ झाल्याने अडचणीत सापडलेल्या उद्योगासाठी हा विकास स्वागतार्ह बातमी आहे असं म्हटलं तरी वावग ठरणार नाही. महामारीच्या काळात कच्चा माल, वस्तू, प्लास्टिक आणि पॅकेजिंग मटेरियलच्या किंमती वाढल्यामुळे या उद्योगाला मोठ्या प्रमाणात फटका बसला आहे.
कार्डिओ-व्हॅस्क्युलर, मधुमेह, संसर्गविरोधी आणि जीवनसत्त्वे तयार करण्यासाठी बहुतेक फार्मा घटक चीनमधून आयात केले जातात, तर काही कच्च्या मालासाठी (एपीआय) चीनवरील अवलंबित्व 80-90% आहे. 2020 मध्ये चीनमध्ये साथीचा रोग पसरला, पुरवठ्यात मोठ्या प्रमाणात व्यत्यय आणि कमतरता निर्माण झाली होती, ज्यामुळे देशांतर्गत कंपन्यांसाठी मोठ्या प्रमाणात खर्च झाला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
