यावर्षी गुंतवणूकदारांनी आयपीओ (IPO) बाजारातून प्रचंड नफा कमावला आहे. 2021 हे वर्ष आयपीओ वर्ष बनू शकते.रिझर्व्ह बँक ऑफ इंडिया (RBI) च्या एका अहवालानुसार , घरगुती युनिकॉर्न एंटरप्रायझेसने भांडवली बाजारात आयपीओ सह धडक दिल्याने देशांतर्गत शेअर बाजारात (Share Market) वाढ होताना दिसत आहे.आणि आता गुंतवणूकदार डिजिटल पेमेंट आणि वित्तीय सेवा प्रदाता पेटीएम (Paytm) कंपनीच्या आयपीओची (Paytm IPO) वाट पाहत आहेत.पण आयपीओची तयारी करणाऱ्या पेटीएम कंपनीला मोठा धक्का बसला आहे. (Ashok Kumar Saxena claim on Paytm IPO)
अचानक कंपनीचे एक माजी संचालक स्वतःला कंपनीचे सह-संस्थापक म्हणून दावा करत आहेत. अशोक कुमार सक्सेना यांनी बाजार नियामक सेबीकडे कंपनीच्या आयपीओला स्थगिती देण्याची मागणी केली आहे. सक्सेना यांनी पोलिसांकडे तक्रारही केली होती. दिल्लीच्या न्यायालयाने पोलिसांना तपास पूर्ण करण्यासाठी तीन आठवड्यांची मुदत दिली आहे.
काय आहे नेमके प्रकरण -
कंपनीचे सह-संस्थापक असल्याचा दावा करणारे 71 वर्षीय अशोक कुमार सक्सेना म्हणतात की, त्यांनी दोन दशकांपूर्वी कंपनीमध्ये 27,500 डॉलर्सची गुंतवणूक केली होती, पण त्यांना कधीही शेअर्स मिळाले नाहीत. दिल्ली न्यायालयाचे न्यायाधीश अनिमेश कुमार यांनी आता पोलिसांना तीन आठवड्यांत याबाबतचा अंतिम अहवाल सादर करण्यास सांगितले आहे.आता या प्रकरणाची पुढील सुनावणी 13 सप्टेंबर रोजी होणार आहे.
पेटीएमने आयपीओच्या मंजुरीसाठी सेबीकडे ड्राफ्ट रेड हेरिंग प्रॉस्पेक्टस (डीआरएचपी) जुलैमध्येच सादर केला आहे. कोणत्याही कंपनीला IPO साठी जाण्यासाठी, DRHP दाखल करणे आवश्यक आहे. DRHP मध्ये कंपनी आणि त्याच्या व्यवसायाबद्दल तपशीलवार माहिती असते. या दस्तऐवजात कंपनी बाजारातून पैसे का आणि किती उभा करू इच्छिते हे स्पष्ट करते. डीआरएचपीमध्ये या प्रकरणाचा फौजदारी कार्यवाहीच्या स्तंभात उल्लेख करण्यात आला आहे. सक्सेना यांनी म्हटले आहे की हा आयपीओ थांबवावा अन्यथा गुंतवणूकदारांना याचा त्रास होऊ शकतो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
