Apple CEO Tim Cook sold 5 lakh shares and earned Rs 350 crore:
अ‍ॅपल कंपनीचे सीईओ टिम कूक यांनी नुकतेच त्यांचे शेअर्स मोठ्या प्रमाणात विकले आहेत. रॉयटर्सच्या वृत्तात म्हटले आहे की, कूक यांच्या शेअर्सची ही विक्री यूएस सिक्युरिटीज फाइलिंगद्वारे उघड झाली आहे.
फाइलिंगनुसार, कूक यांनी 511,000 शेअर्स विकले, ज्याची किंमत टॅक्स न वगळता 87.8 दशलक्ष डॉलर्स इतकी आहे.
याचा अर्थ त्यांना या विक्रीतून करानंतर 41.5 दशलक्ष डॉलर्स मिळाले आहेत. भारतीय चलनात हे अंदाजे 345.38 कोटी रुपये आहे.
एवढ्या मोठ्या संख्येने शेअर्स विकल्यानंतर कूक यांच्याकडे अ‍ॅपलचे जवळपास 33 लाख शेअर्स शिल्लक आहेत, ज्यांची किंमत सुमारे 565 दशलक्ष डॉलर्स इतकी आहे.
कूक यांनी जवळपास 2 वर्षांनंतर इतकी मोठी विक्री केली आहे. यापूर्वी ऑगस्ट 2021 मध्ये स्टॉक विक्रीतून त्यांनी 355 दशलक्ष डॉलर्स कमावले होते.
कूक यांनी शेअर्स नक्कीच विकले आहेत पण या विक्रीचा अ‍ॅपल कंपनीतील त्यांच्या एकूण मालकीवर परिणाम होणार नाही.
कारण कूक यांनी जितके शेअर्स विकले आहेत तितकेच शेअर्स त्यांना वार्षिक भरपाई योजनेअंतर्गत मिळाले आहेत.
अ‍ॅपलचे सीईओ टिम कूक यांच्याव्यतिरिक्त डियर्डे ओ'ब्रायन आणि कॅथरीन अ‍ॅडम्स यांनीही अ‍ॅपलमधील शेअर्स विकले आहेत. या विक्रीतून दोघांनीही करांपूर्वी 11 दशलक्ष डॉलर्स कमावले आहेत.
Deirdre O'Brien Apple मध्ये रिटेलसाठी वरिष्ठ उपाध्यक्ष आहेत. कॅथरीन या Apple च्या जनरल काउंसिल आणि कायदेशीर आणि जागतिक सुरक्षा च्या वरिष्ठ उपाध्यक्ष आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.