Air India ची नवी पॉलिसी, वयाच्या 65 वर्षापर्यंत वैमानिकांना घेता येणार गगनभरारी

Air India: एअर इंडियाने आपल्या वैमानिकांना वयाच्या 65 वर्षापर्यंत विमान उड्डाणासाठी परवानगी देण्याचा निर्णय घेतला आहे. यासाठी कंपनीने नवीन धोरण आणले आहे. नवीन धोरणानुसार, एअर इंडिया त्यांच्या निवडक वैमानिकांची सेवानिवृत्तीनंतर पाच वर्षांच्या कालावधीसाठी कराराच्या आधारावर सेवा विस्तारित करेल. हा करार वयाच्या 65 वर्षापर्यंत वाढवला जाऊ शकतो. मिळालेल्या माहितीनुसार, कंपनीने आपल्या ताफ्याच्या विस्ताराची योजना लक्षात घेऊन हा निर्णय घेतला आहे.

DGCA ने 65 वर्षांसाठी विमान उड्डाण करण्यास मान्यता दिली आहे

एअर इंडियाच्या मानव संसाधन विभागाच्या प्रमुखांनी जारी केलेल्या पत्रात असे म्हटले आहे की, "एअर इंडियाचे पायलट सध्या वयाच्या 58 व्या वर्षी निवृत्त होत आहेत. यातच नागरी विमान वाहतूक महासंचालनालयाने कंपनीला (DGCA) वैमानिकांना विमान उड्डाण करण्याची परवानगी दिली आहे. ''

एअर इंडियाने आपल्या ताफ्यात नवीन विमाने समाविष्ट करण्याची योजना आखली

एअर इंडियाकडून मिळालेल्या माहितीनुसार, 'वैमानिकांना वयाच्या 65 व्या वर्षापर्यंत उड्डाण करण्याची परवानगी देणे उद्योगासाठी अनिवार्य आहे. एअर इंडियामधील सध्याच्या प्रशिक्षित वैमानिकांना सेवानिवृत्तीनंतर पाच वर्षांसाठी कराराच्या आधारावर नियुक्त केले जाऊ शकते. वास्तविक, एअर इंडिया आपल्या ताफ्यात 200 हून अधिक नवीन विमाने समाविष्ट करण्याचा विचार करत आहे. यामध्ये 70 टक्के विमाने लहान प्रकारची असतील.

एअर इंडिया पात्रता तपासण्यासाठी समिती स्थापन करणार आहे

एअर इंडियाने पुढील दोन वर्षांत सेवानिवृत्त होणाऱ्या वैमानिकांच्या पात्रतेची तपासणी करण्यासाठी मानव संसाधन (HR), ऑपरेशन्स आणि फ्लाइट सेफ्टी यांच्या कार्यात्मक प्रतिनिधींचा समावेश असलेली समिती स्थापन करण्याचा निर्णय घेतला आहे.

वैमानिकांना निवृत्तीच्या एक वर्ष आधी पत्र दिले जाईल

कंपनीने सांगितले की, "ही समिती वैमानिकांच्या शिस्त, उड्डाण सुरक्षा आणि दक्षता यासंबंधीच्या मागील रेकॉर्डचे पुनरावलोकन करण्यासाठी जबाबदार असेल. पुनरावलोकनानंतर, समिती सेवानिवृत्तीनंतर मुख्य मानव संसाधन अधिकारी नियुक्त करेल. सेवानिवृत्तीच्या एक वर्ष आधी, निवडल्या जाणार्‍या वैमानिकांना त्यांच्या निवृत्तीनंतरच्या कराराबद्दल पत्र दिले जाईल."