चीनला पछाडत 'या' क्षेत्रात भारताची बाजी, मिळवले अव्वल स्थान

According to World of Statistics, India is at the top among the countries with cheapest manufacturing costs:

जगातील सर्वात स्वस्त उत्पादन खर्च असलेल्या देशांच्या यादीत भारत पहिल्या क्रमांकावर पोहोचला आहे. आपला शेजारी देश चीनला मागे टाकत भारताने हे स्थान मिळवले आहे.

संपूर्ण जगात सर्वात स्वस्त उत्पादन खर्चामुळे अमेरिकेसह जगभरातील देश आता चीनपेक्षा भारताला प्राधान्य देत आहेत.

वर्ल्ड ऑफ स्टॅटिस्टिक्सनुसार, सर्वात स्वस्त उत्पादन खर्च असलेल्या देशांमध्ये भारत अव्वल आहे. यानंतर चीन दुसऱ्या तर व्हिएतनाम तिसऱ्या क्रमांकावर आहे. थायलंड चौथ्या, फिलिपाइन्स पाचव्या, बांगलादेश सहाव्या, इंडोनेशिया सातव्या, कंबोडिया आठव्या, मलेशिया नवव्या आणि श्रीलंका दहाव्या क्रमांकावर आहे.

या यादीत पुढे घाना, केनिया, मेक्सिको, उझबेकिस्तान, कोलंबिया, दक्षिण आफ्रिका, कझाकिस्तान, ट्युनिशिया, चिली, अल्जेरिया, तुर्की आणि उरुग्वे यांचा क्रमांक लागतो. या यादीत जगभरातील 50 देशांचा समावेश करण्यात आला आहे.

भारताला पसंती

भारतातील स्वस्त उत्पादन खर्चामुळे जगभरातील मोठ्या कंपन्या आपले कारखाने चीनमधून भारतात किंवा इतर देशांमध्ये हलवत आहेत.

बोस्टन कन्सल्टिंग ग्रुपने नुकताच एक अहवाल प्रसिद्ध केला आहे, ज्यामध्ये असे म्हटले आहे की चीनमधून अमेरिकन आयातीत मोठी घट झाली आहे, तर भारतातून आयात अनेक पटींनी वाढली आहे.

निर्यात वाढली

बोस्टन कन्सल्टिंग ग्रुपच्या अभ्यासात असे समोर आले आहे की, 2018 ते 2022 दरम्यान अमेरिकेकडून (USA) चीनमधून आयात करण्यात येणाऱ्या वस्तूंमध्ये 10 टक्क्यांनी घट झाली आहे.

त्याचवेळी, भारतातून अमेरिकेत आयात (Import) करण्यात येणाऱ्या वस्तूंमध्ये 44 टक्के वाढ दिसून आली आहे. याशिवाय, मेक्सिकोमधून 18% आणि दक्षिणपूर्व आशियाई राष्ट्रांच्या संघटनेकडून 65% वाढ झाली आहे.