7th Pay Commission DA Hike: सरकारी कर्मचाऱ्यांसाठी एक आनंदाची बातमी आहे. लाखो कर्मचाऱ्यांना नववर्षाची मोठी भेट मिळाली आहे. राज्य सरकारने महागाई भत्ता चार टक्क्यांनी वाढवला आहे (DA Hike News). विशेष म्हणजे, तुम्हाला 1 जानेवारी 2023 पासून वाढीव पगाराची भेट मिळेल. सरकारने वर्षाच्या पहिल्याच दिवशी ही दरवाढ जाहीर केली आहे.
तमिळनाडू सरकारने कर्मचाऱ्यांच्या (Employees) डीएमध्ये वाढ केली आहे. राज्याचे मुख्यमंत्री एम.के. स्टॅलिन यांनी शिक्षक, पेन्शनधारक आणि पेन्शनधारकांसह सरकारी कर्मचाऱ्यांचा डीए वाढवण्याची घोषणा केली आहे. आतापासून कर्मचारी आणि पेन्शनधारकांना 4 टक्के जास्त डीए मिळणार आहे.
ही वाढ तत्काळ प्रभावाने लागू करण्यात आली आहे. आतापासून येथे काम करणाऱ्यांना 34 ऐवजी 38 टक्के महागाई भत्ता मिळणार आहे.
मुख्यमंत्री स्टॅलिन म्हणाले की, डीए वाढल्याने राज्यातील 16 लाख कर्मचाऱ्यांना फायदा होणार आहे. यासोबतच लाखो पेन्शनधारकांना वाढीव पेन्शनही मिळणार आहे. कर्मचाऱ्यांचे प्रतिनिधीत्व लक्षात घेऊन राज्य सरकारने (Government) हा निर्णय घेतला आहे.
राज्य सरकारच्या या पाऊलामुळे 2,359 कोटी रुपयांचा अतिरिक्त बोजा पडणार आहे. डीएमधील वाढ ही 'नवीन वर्षाची भेट' असल्याचे वर्णन करुन, त्यांनी कर्मचाऱ्यांना जनतेच्या कल्याण आणि समृद्धीच्या उद्देशाने सरकारच्या प्रयत्नांना सहकार्य करण्याचे आवाहन केले.
केंद्र सरकार लवकरच कर्मचाऱ्यांचा डीए वाढवणार आहे. जानेवारी महिन्यातच सरकार कर्मचाऱ्यांच्या डीएमध्ये वाढ करण्याची घोषणा करु शकते. सरकार महागाई भत्त्यात 4 टक्क्यांनी वाढ करेल अशी अपेक्षा आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
